म. टा. खास प्रतिनिधी, मुंबई
मध्य रेल्वेच्या तिकीट खिडक्यांवरील गर्दी कमी करण्यासाठी ३३ नवीन तिकीट खिडक्या सुरू करण्यात आल्या आहेत. त्यापैकी, १६ खिडक्या फेब्रुवारीमध्ये सुरू झाल्या असून १४ खिडक्या मार्चमध्ये सुरू करण्यात येणार आहेत.
मध्य रेल्वेच्या डॉकयार्ड रोड, रे रोड आणि कॉटनग्रीन या स्थानकांवर केवळ पश्चिमेकडील बाजूस तिकीट खिडक्या आहेत. आतापर्यंत पूर्वेकडील बाजूस या खिडक्या नसल्याने प्रवाशांची गैरसोय होत असे तसेच त्यांचा बराच वेळही वाया जात असे. ही तक्रार दूर करण्याचा निर्णय मध्य रेल्वेने घेतला आहे. येथे मार्चअखेरीस पूर्वेकडे तिकीट खिडक्या सुरू होणार आहेत. प्रवाशांना कमीत कमी वेळात तिकीट मिळणे शक्य होईल, असे मध्य रेल्वेच्या मुंबई विभागाचे विभागीय रेल्वे व्यवस्थापक रवींद्र गोयल यांनी सांगितले.
डॉकयार्ड रोडच्या प्लॅटफार्म क्रमांक एकजवळील पनवेलच्या दिशेने नवीन तिकीट खिडकी सुरू केली जाणार आहे. कॉटनग्रीन स्थानकावर पनवेल दिशेकडे आणि रे रोड, मानखूर्दच्या पूर्वेस तिकीट खिडक्या सुरू केल्या जाणार असल्याचे मध्य रेल्वेचे मुख्य जनसंपर्क अधिकारी नरेंद्र पाटील यांनी सांगितले. सध्या एटीव्हीएम, जेटीबीएस, कागदविरहीत मोबाइल तिकीट सेवा, कोटीव्हीएमचे पर्याय आहेत.
एटीव्हीएमला पसंती
एटीव्हीएमवरून २८ टक्के तर जेटीबीएस केंद्रांवरून २१ टक्के तिकीटविक्री होत आहे. नव्या तिकीट खिडक्यांमध्ये जानेवारी आणि फेब्रुवारीमध्ये घाटकोपरमध्ये चार व पनवेल, लोणावळा, मुंब्रा, नेरूळ, कुर्ला येथे प्रत्येकी दोन तसेच सायन, मुलुंड, रबाळे, भांडुप, कळवा, खारघर कांजुरमार्ग, खांदेश्वर, बेलापूरमध्ये प्रत्येकी एक खिडकी सुरू केली जाणार आहे.
मध्य रेल्वेच्या तिकीट खिडक्यांवरील गर्दी कमी करण्यासाठी ३३ नवीन तिकीट खिडक्या सुरू करण्यात आल्या आहेत. त्यापैकी, १६ खिडक्या फेब्रुवारीमध्ये सुरू झाल्या असून १४ खिडक्या मार्चमध्ये सुरू करण्यात येणार आहेत.
मध्य रेल्वेच्या डॉकयार्ड रोड, रे रोड आणि कॉटनग्रीन या स्थानकांवर केवळ पश्चिमेकडील बाजूस तिकीट खिडक्या आहेत. आतापर्यंत पूर्वेकडील बाजूस या खिडक्या नसल्याने प्रवाशांची गैरसोय होत असे तसेच त्यांचा बराच वेळही वाया जात असे. ही तक्रार दूर करण्याचा निर्णय मध्य रेल्वेने घेतला आहे. येथे मार्चअखेरीस पूर्वेकडे तिकीट खिडक्या सुरू होणार आहेत. प्रवाशांना कमीत कमी वेळात तिकीट मिळणे शक्य होईल, असे मध्य रेल्वेच्या मुंबई विभागाचे विभागीय रेल्वे व्यवस्थापक रवींद्र गोयल यांनी सांगितले.
डॉकयार्ड रोडच्या प्लॅटफार्म क्रमांक एकजवळील पनवेलच्या दिशेने नवीन तिकीट खिडकी सुरू केली जाणार आहे. कॉटनग्रीन स्थानकावर पनवेल दिशेकडे आणि रे रोड, मानखूर्दच्या पूर्वेस तिकीट खिडक्या सुरू केल्या जाणार असल्याचे मध्य रेल्वेचे मुख्य जनसंपर्क अधिकारी नरेंद्र पाटील यांनी सांगितले. सध्या एटीव्हीएम, जेटीबीएस, कागदविरहीत मोबाइल तिकीट सेवा, कोटीव्हीएमचे पर्याय आहेत.
एटीव्हीएमला पसंती
एटीव्हीएमवरून २८ टक्के तर जेटीबीएस केंद्रांवरून २१ टक्के तिकीटविक्री होत आहे. नव्या तिकीट खिडक्यांमध्ये जानेवारी आणि फेब्रुवारीमध्ये घाटकोपरमध्ये चार व पनवेल, लोणावळा, मुंब्रा, नेरूळ, कुर्ला येथे प्रत्येकी दोन तसेच सायन, मुलुंड, रबाळे, भांडुप, कळवा, खारघर कांजुरमार्ग, खांदेश्वर, बेलापूरमध्ये प्रत्येकी एक खिडकी सुरू केली जाणार आहे.