म. टा. प्रतिनिधी, मुंबई
विधानसभा निवडणुकीसाठी वंचित बहुजन आघाडीच्या २२ उमेदवारांच्या नावांची पहिली यादी त्या आघाडीचे नेते प्रकाश आंबेडकर यांनी मुंबईत मंगळवारी जाहीर केली. वंचित समाजगटातील आर्थिकदृष्ट्या दुर्बल आणि अलुतेदार-बलुतेदारांना उमेदवारी देण्यात आल्याचे आंबेडकर यांनी स्पष्ट केले आहे.
लोकसभा निवडणुकीत वंचित बहुजन आघाडीसोबत एमआयएम होती. आता दोन्ही पक्ष स्वबळावर निवडणूक लढवणार आहेत. एमआयएमने १२ उमेदवारांची यादी जाहीर केल्यानंतर वंचित बहुजन आघाडीच्या २२ उमेदवारांची आंबेडकर यांनी यादी जाहीर केली. वंचित बहुजन आघाडीचे राष्ट्रीय सचिव गोपीचंद पडळकर हे भाजपच्या वाटेवर असल्याची राजकीय वर्तुळात चर्चा आहे. याकडे लक्ष वेधताना आंबेडकर म्हणाले की, गोपीचंद पडळकर हे वंचित आघाडीसोबतच आहेत.
वंचित बहुजन आघाडीचे उमेदवार याप्रमाणे -
मतदारसंघ उमेदवार
शिराळा सुरेश जाधव
करवीर डॉ. आनंद गुरव
दक्षिण कोल्हापूर दिलीप कावडे
कराड दक्षिण बाळकृष्ण देसाई
कोरेगाव डॉ. बाळासाहेब चव्हाण
कोथरुड दीपक शामदिरे
शिवाजीनगर अनिल कुऱ्हाडे
कसबा पेठ मिलिंद काची
भोसरी शहानवाज शेख
इस्लामपूर शाकीर तांबोळी
पाथर्डी-शेवगाव किसन चव्हाण
कर्जत-जामखेड अरुण जाधव
औसा सुधीर पोतदार
ब्रह्मपुरी चंदुलाल मेश्राम
चिमूर अरविंद सांडेकर
राळेगाव माधव कोहळे
जळगाव शेख शफी अब्दुल नबी शेख
अहेरी लालसू नागोटी
लातूर शहर राजासाब मणियार
मोर्शी नंदकिशोर कुयटे
वरोरा आमोद बावने
कोपरगाव अशोक गायकवाड.