मुंबई:
भाईंदर येथे चार तरुणींनी प्रमाणापेक्षा जास्त दारू पिऊन भररस्त्यात एकच गोंधळ घातला. पोलिसांनी या तरुणींना समजावण्याचा प्रयत्न केला, पण नशेत भान हरपलेल्या या तरुणी पोलिसांच्याही अंगावर धावून गेल्या. त्यांनी पोलिसांवर हल्ला केला. त्यामुळे पोलिसांनी या चारपैकी तीन तरुणींना अटक केली असून एक तरुणी फरार झाली आहे.
मंगळवारी रात्री भाईंदरच्या मैदानावर हा प्रकार घडला. ममता मेहर (वय २५), अलीशा पिल्लै (२३), कमल श्रीवास्तव (२२) आणि जेसिका डेकोस्टा (२२) या चौघीजणी राऊंड ड्रिंक्स घेतल्यानंतर रात्री दोन वाजता भाईंदरमधील मॅक्सस मॉलच्या जवळ शहीद भगतसिंग मैदानावर आणखी दारू घेण्यासाठी आल्या होत्या. तिघींनी भरपूर दारू प्यायल्यानंतर एकमेकींशी भांडायला सुरुवात केली. त्यामुळे तिथे गर्दी झाली. रात्री गस्तीवर असलेल्या तीन पोलिसांनी ही गर्दी पाहिली आणि त्यांनी गर्दीला पांगवले. या पोलिसांसोबत महिला पोलीसही होत्या. सहाय्यक पोलीस निरीक्षक मनीषा पाटिल यांनी या चारही तरुणींना शांत करण्याचा प्रयत्न केला. पण या तरुणींनी उलट पोलिसांनाच शिवीगाळ करत त्यांना मारहाण करण्यास सुरुवात केली. घटनास्थळी उपस्थित असलेल्या एका व्यक्तीने त्याचा व्हिडिओ तयार केला असून हा व्हिडिओ सर्वत्र व्हायरल होत आहे. या व्हिडिओत या चारही तरुणी पोलिसांना शिवीगाळ करताना आणि त्यांच्या अंगावर धावून जाताना दिसत आहेत.
दरम्यान, या तरुणींची शिवीगाळ आणखीनच वाढल्याने पोलिसांनी त्यांना थेट पोलीस ठाण्याचाच रस्ता दाखवला. याप्रकरणी पोलिसांनी या चौघींवर कलम ३५३,३३२ आणि ५०४ अन्वये गुन्हा दाखल केला आहे. तर फरार झालेल्या जेसिकाचा शोध घेण्यात येत आहे. जेसिका नालासोपारा येथे राहते तर बाकीच्या तिघी मीरा रोड येथे राहत असल्याचं पोलीस सूत्रांनी सांगितलं.
भाईंदर येथे चार तरुणींनी प्रमाणापेक्षा जास्त दारू पिऊन भररस्त्यात एकच गोंधळ घातला. पोलिसांनी या तरुणींना समजावण्याचा प्रयत्न केला, पण नशेत भान हरपलेल्या या तरुणी पोलिसांच्याही अंगावर धावून गेल्या. त्यांनी पोलिसांवर हल्ला केला. त्यामुळे पोलिसांनी या चारपैकी तीन तरुणींना अटक केली असून एक तरुणी फरार झाली आहे.
मंगळवारी रात्री भाईंदरच्या मैदानावर हा प्रकार घडला. ममता मेहर (वय २५), अलीशा पिल्लै (२३), कमल श्रीवास्तव (२२) आणि जेसिका डेकोस्टा (२२) या चौघीजणी राऊंड ड्रिंक्स घेतल्यानंतर रात्री दोन वाजता भाईंदरमधील मॅक्सस मॉलच्या जवळ शहीद भगतसिंग मैदानावर आणखी दारू घेण्यासाठी आल्या होत्या. तिघींनी भरपूर दारू प्यायल्यानंतर एकमेकींशी भांडायला सुरुवात केली. त्यामुळे तिथे गर्दी झाली. रात्री गस्तीवर असलेल्या तीन पोलिसांनी ही गर्दी पाहिली आणि त्यांनी गर्दीला पांगवले. या पोलिसांसोबत महिला पोलीसही होत्या. सहाय्यक पोलीस निरीक्षक मनीषा पाटिल यांनी या चारही तरुणींना शांत करण्याचा प्रयत्न केला. पण या तरुणींनी उलट पोलिसांनाच शिवीगाळ करत त्यांना मारहाण करण्यास सुरुवात केली. घटनास्थळी उपस्थित असलेल्या एका व्यक्तीने त्याचा व्हिडिओ तयार केला असून हा व्हिडिओ सर्वत्र व्हायरल होत आहे. या व्हिडिओत या चारही तरुणी पोलिसांना शिवीगाळ करताना आणि त्यांच्या अंगावर धावून जाताना दिसत आहेत.
दरम्यान, या तरुणींची शिवीगाळ आणखीनच वाढल्याने पोलिसांनी त्यांना थेट पोलीस ठाण्याचाच रस्ता दाखवला. याप्रकरणी पोलिसांनी या चौघींवर कलम ३५३,३३२ आणि ५०४ अन्वये गुन्हा दाखल केला आहे. तर फरार झालेल्या जेसिकाचा शोध घेण्यात येत आहे. जेसिका नालासोपारा येथे राहते तर बाकीच्या तिघी मीरा रोड येथे राहत असल्याचं पोलीस सूत्रांनी सांगितलं.