म. टा. खास प्रतिनिधी, मुंबईः विधी पदवीधर किंवा कोणतीही सनद नसताना एक महिला तब्बल १४ वर्षे वकिली करीत असल्याचा धक्कादायक प्रकार वांद्रे येथील कुटुंब न्यायालयात घडला आहे. वकील असल्याचे भासवून न्यायालयात युक्तिवाद करणाऱ्या या महिलेस वांद्रे-कुर्ला कॉम्प्लेक्स पोलिसांनी अटक केली. मंदाकिनी सोहनी उर्फ मोरडेकाई रेबेक्का जौब असे अटक करण्यात आलेल्या ७० वर्षीय महिलेचे नाव असून, ती दुसऱ्या एका वकिलाचा सनद क्रमांकाचा वापर करून वकिली करीत होती.
विविध न्यायालयांत वकिली करणाऱ्या एका वकिलास त्याच्या मित्राने कुटुंब न्यायालयात एक महिला कोणतीही पदवी नसताना वकिली करीत असल्याची माहिती दिली. या वकिलाने अधिक चौकशी करण्यास सुरुवात केली. त्यावेळी तीन खटल्यांमध्ये ही महिला वकील बाजू मांडत असल्याचे समजले. त्यामुळे या वकिलाने बार कौन्सिल ऑफ महाराष्ट्र अँड गोवा, कुटुंब न्यायालय आणि पोलिसांकडे तक्रार केली. त्यानंतर या महिलेने पोलिसांना एक सनद क्रमांक दिला. बार कौन्सिल ऑफ महाराष्ट्र अँड गोवा यांच्याकडून ही सनद तपासली असता ती दुसऱ्याच व्यक्तीच्या नावावर असल्याचे स्पष्ट झाले. त्यानंतर या वकील महिलेने आणखी एक सनद क्रमांक दिला. तो देखील दुसऱ्याच्या नावावर असल्याचे आढळले.
पोलिसांसमोरही बनवाबनवी
कुटुंब न्यायालयात वकील असल्याचे भासवून अनेकांचे बेकायदा वकीलपत्र घेत असल्याचे प्राथमिक चौकशीतून समोर आल्यानंतर वांद्रे-कुर्ला कॉम्प्लेक्स पोलिसांनी मंदाकिनी सोहनी हिच्याविरुद्ध जूनमध्ये गुन्हा दाखल केला. चौकशीला बोलावूनही मंदाकिनी उपस्थित राहात नव्हती. शनिवारी त्यांनी काही कागदपत्रे पोलिस ठाण्यात दिली; मात्र ती देखील बोगस असल्याचे दिसून आल्याने पोलिसांनी तिला अटक केली. मंदाकिनी हिने दोन वर्षे कायद्याचे शिक्षण घेतले आहे; मात्र कोणतीही पदवी अगर सनद त्यांच्याकडे नसल्याचे पोलिसांनी म्हटले आहे.
विविध न्यायालयांत वकिली करणाऱ्या एका वकिलास त्याच्या मित्राने कुटुंब न्यायालयात एक महिला कोणतीही पदवी नसताना वकिली करीत असल्याची माहिती दिली. या वकिलाने अधिक चौकशी करण्यास सुरुवात केली. त्यावेळी तीन खटल्यांमध्ये ही महिला वकील बाजू मांडत असल्याचे समजले. त्यामुळे या वकिलाने बार कौन्सिल ऑफ महाराष्ट्र अँड गोवा, कुटुंब न्यायालय आणि पोलिसांकडे तक्रार केली. त्यानंतर या महिलेने पोलिसांना एक सनद क्रमांक दिला. बार कौन्सिल ऑफ महाराष्ट्र अँड गोवा यांच्याकडून ही सनद तपासली असता ती दुसऱ्याच व्यक्तीच्या नावावर असल्याचे स्पष्ट झाले. त्यानंतर या वकील महिलेने आणखी एक सनद क्रमांक दिला. तो देखील दुसऱ्याच्या नावावर असल्याचे आढळले.
पोलिसांसमोरही बनवाबनवी
कुटुंब न्यायालयात वकील असल्याचे भासवून अनेकांचे बेकायदा वकीलपत्र घेत असल्याचे प्राथमिक चौकशीतून समोर आल्यानंतर वांद्रे-कुर्ला कॉम्प्लेक्स पोलिसांनी मंदाकिनी सोहनी हिच्याविरुद्ध जूनमध्ये गुन्हा दाखल केला. चौकशीला बोलावूनही मंदाकिनी उपस्थित राहात नव्हती. शनिवारी त्यांनी काही कागदपत्रे पोलिस ठाण्यात दिली; मात्र ती देखील बोगस असल्याचे दिसून आल्याने पोलिसांनी तिला अटक केली. मंदाकिनी हिने दोन वर्षे कायद्याचे शिक्षण घेतले आहे; मात्र कोणतीही पदवी अगर सनद त्यांच्याकडे नसल्याचे पोलिसांनी म्हटले आहे.