रुग्णालयातून पळालेल्या करोनाबाधिताचा ट्रेनच्या धडकेत मृत्यू

मुंबईः शताब्दी रुग्णालयातून पळालेल्या ८० वर्षीय करोनाबाधिताच्या मृत्यूचं गुढ उलगडण्यात पोलिसांना यश आलं आहे. या करोना रुग्णाचा मृत्यू सोमवारी ट्रेनच्या धडकेत झाला आहे. मालाड पूर्वेला कुरार व्हिलेजमध्ये हा व्यक्ती राहत असून घरी परतत असताना हा अपघात घडली असल्याची शक्यता पोलिसांनी व्यक्त केली आहे. पोलिसांनी अपघाती मृत्यूची नोंद केली असून अधिक तपास सुरू केला आहे.

करोनाची लक्षण आढळल्यानंतर शनिवारी तीन वाजता आजोबांना कांदिवलीतील शताब्दी रुग्णालयात दाखलं केलं होतं. तिथं त्यांची स्वॅब टेस्ट केल्यानंतर अहवाल पॉझिटिव्ह आला होता. सोमवारी सकाळच्या सुमारास आजोबा रुग्णालयातून बेपत्ता झाल्याचा फोन रुग्णालयाकडून कुटंबाला केला गेला होता. त्यानंतर कुटुंबीयांनी शोधाशोध करूनही आजोबा कुठेचं न सापडल्यामुळं अखेर मालाड, बोरिवली आणि कांदिवली पोलिस ठाण्यात तक्रार केली . सोमवारी रात्री १०.३०च्या सुमारास रेल्वे पोलिसांना बोरीवली स्थानकाजवळ मृतदेह आढळला.

वाचाः काँग्रेस, राष्ट्रवादीच्या मंत्र्यांनी मुख्य सचिवांना घेरले; मुख्यमंत्री वादापासून लांब

सोमवारी, साधारण सात वाजता ही व्यक्ती कांदिवली स्थानकाजवळ पोहोचला. रेल्वे रुळ ओलांडत असताना श्रमिक एक्स्प्रेस ट्रेननं धडक दिली. गंभीर जखमी झाल्यामुळं त्यांचा जागीच मृत्यू झाला. रेल्वे पोलिसांना ट्रेकवर मृतदेह आढळल्यानंतर ते तातडीने त्यांना पुन्हा शताब्दी रुग्णालयात घेऊन गेले . तिथे चौकशी दरम्यान रुग्णालयातून बेपत्ता झालेला करोना रुग्ण असल्याचं समोर आलं.

वाचाः कोकणात किल्लारी पॅटर्न का नाही?; पवारांनी सांगितली 'ही' अडचण

रुग्णालयानं अत्यंसंस्कारासाठी मृतदेह पालिकेकडे सोपवला आहे. तर, रुग्णाचा रिपोर्ट पॉझिटिव्ह आल्यानं त्यांच्या पत्नीला व नातवांना क्वारंटाइन केलं आहे. ही आत्महत्या होती की अपघात हे अद्याप स्पष्ट झालेलं नाही.