मुंबई:
राज्यात चौथ्या टप्प्यात १७ लोकसभा मतदारसंघात होत असलेल्या निवडणुकीतील उमेदवारांनी जाहीर केलेली कोट्यवधी रुपयांची माया पाहता या निवडणुकीत धनशक्तीचा वापर नाकारता येत नाही. या निवडणुकीत नशीब आजमिवणाऱ्या ३२० उमेदवारांपैकी १०९ उमेदवार कोट्यधीश आहेत. शिवाय यातील ८९ उमेदवारांची पार्श्वभूमी गुन्हेगारी स्वरूपाची असून खून, खुनाचा प्रयत्न, अपहरण, महिला अत्याचार यासारख्या गंभीर गुन्ह्यांची त्यांच्या नावावर नोंद असल्याचे आकडेवारी सांगते.
लोकसभा निवडणुकीच्या चौथ्या टप्प्यासाठी येत्या २९ एप्रिल रोजी निवडणूक होत असून 'महाराष्ट्र इलेक्शन वॉच' आणि 'असोसिएशन फॉर डेमोक्रटीक रिफार्म्स' (एडीआर) या संस्थेने उमेदवारांच्या आर्थिक, शैक्षणिक तसेच गुन्हेगारी पार्श्वभूमीचे त्यांच्या प्रतिज्ञापत्राच्या आधारे विश्लेषण केले आहे. त्यांच्या विश्लेषणानुसार निवडणूक लढवत असलेले ३४ टक्के उमेदवार हे आर्थिकदृष्ट्या गब्बर आहेत. दलित, मागासवर्गीय यांचे प्रतिनिधित्व करणाऱ्या वंचित बहुजन आघाडी आणि बहुजन समाज पक्षाचे प्रत्येकी सहा उमेदवार कोट्यधीश आहेत.
निवडणूक लढवत असलेल्या ३२० पैकी ८९ उमेदवारांनी आपल्या विरोधात गुन्हेगारीची प्रकरणे दाखल असल्याचे प्रतिज्ञापत्रात घोषित केले आहे. यापैकी ६४ उमेदवारांच्या विरोधात गंभीर स्वरूपाचे गुन्हे नोंद आहेत. दोन उमेदवारांच्या विरोधात तर गुन्हे सिद्ध झाले असून वंचित बहुजन आघाडीचे नाशिकचे उमदेवार पवन पवार यांच्या विरोधात खुनाचा गुन्हा दाखल आहे. तीन उमेदवारांनी त्यांच्यावर खुनाचा प्रयत्न केल्याचा गुन्हा दाखल असल्याची माहिती दिली आहे. याशिवाय दहा उमेदवारांनी आपल्या विरोधात महिला अत्याचाराशी सबंधित दोन उमेदवारांनी त्यांच्यावर अपहरणाशी संबंधित गुन्हा दाखल असल्याचे जाहीर केले आहे. गुन्हेगारी स्वरूपाची प्रकरणे दाखल असलेल्या उमेदवारांमध्ये वंचित बहुजन आघाडीच्या १७ उमेदवारांपैकी ७, बहुजन समाज पक्षाच्या १५ उमेदवारांपैकी ४, काँग्रेसच्या ९ उमेदेवारांपैकी ४, भाजपच्या ७ उमेदवारांपैकी ४, राष्ट्रवादी काँग्रेसच्या ७ पैकी ५ उमेदवारांचा समावेश आहे.
कोट्यधीश...
संजय भोसले (वंचित बहुजन आघाडी)- १२५ कोटी ६ लाख
श्रीरंग बारणे (शिवसेना)- १०२ कोटी ३३ लाख
प्रिया दत्त (काँग्रेस)- ९६ कोटी २० लाख
मिलिंद देवरा (काँग्रेस)- ७९ कोटी ३२ लाख
उर्मिला मातोंडकर (काँग्रेस)- ६८ कोटी ९० लाख
समीर भुजबळ (राष्ट्रवादी )- ६५ कोटी ४६ लाख
सुभाष पासी (समाजवादी पक्ष)- ६४ कोटी २० लाख
इंजिनिअर नवीन बेताब (अपक्ष)- ५१ कोटी २ लाख
बाबाजी पाटील (राष्ट्रवादी)- ४२ कोटी १८ लाख
कुणाल पाटील (काँग्रेस)- ४२ कोटी ९ लाख
राज्यात चौथ्या टप्प्यात १७ लोकसभा मतदारसंघात होत असलेल्या निवडणुकीतील उमेदवारांनी जाहीर केलेली कोट्यवधी रुपयांची माया पाहता या निवडणुकीत धनशक्तीचा वापर नाकारता येत नाही. या निवडणुकीत नशीब आजमिवणाऱ्या ३२० उमेदवारांपैकी १०९ उमेदवार कोट्यधीश आहेत. शिवाय यातील ८९ उमेदवारांची पार्श्वभूमी गुन्हेगारी स्वरूपाची असून खून, खुनाचा प्रयत्न, अपहरण, महिला अत्याचार यासारख्या गंभीर गुन्ह्यांची त्यांच्या नावावर नोंद असल्याचे आकडेवारी सांगते.
लोकसभा निवडणुकीच्या चौथ्या टप्प्यासाठी येत्या २९ एप्रिल रोजी निवडणूक होत असून 'महाराष्ट्र इलेक्शन वॉच' आणि 'असोसिएशन फॉर डेमोक्रटीक रिफार्म्स' (एडीआर) या संस्थेने उमेदवारांच्या आर्थिक, शैक्षणिक तसेच गुन्हेगारी पार्श्वभूमीचे त्यांच्या प्रतिज्ञापत्राच्या आधारे विश्लेषण केले आहे. त्यांच्या विश्लेषणानुसार निवडणूक लढवत असलेले ३४ टक्के उमेदवार हे आर्थिकदृष्ट्या गब्बर आहेत. दलित, मागासवर्गीय यांचे प्रतिनिधित्व करणाऱ्या वंचित बहुजन आघाडी आणि बहुजन समाज पक्षाचे प्रत्येकी सहा उमेदवार कोट्यधीश आहेत.
निवडणूक लढवत असलेल्या ३२० पैकी ८९ उमेदवारांनी आपल्या विरोधात गुन्हेगारीची प्रकरणे दाखल असल्याचे प्रतिज्ञापत्रात घोषित केले आहे. यापैकी ६४ उमेदवारांच्या विरोधात गंभीर स्वरूपाचे गुन्हे नोंद आहेत. दोन उमेदवारांच्या विरोधात तर गुन्हे सिद्ध झाले असून वंचित बहुजन आघाडीचे नाशिकचे उमदेवार पवन पवार यांच्या विरोधात खुनाचा गुन्हा दाखल आहे. तीन उमेदवारांनी त्यांच्यावर खुनाचा प्रयत्न केल्याचा गुन्हा दाखल असल्याची माहिती दिली आहे. याशिवाय दहा उमेदवारांनी आपल्या विरोधात महिला अत्याचाराशी सबंधित दोन उमेदवारांनी त्यांच्यावर अपहरणाशी संबंधित गुन्हा दाखल असल्याचे जाहीर केले आहे. गुन्हेगारी स्वरूपाची प्रकरणे दाखल असलेल्या उमेदवारांमध्ये वंचित बहुजन आघाडीच्या १७ उमेदवारांपैकी ७, बहुजन समाज पक्षाच्या १५ उमेदवारांपैकी ४, काँग्रेसच्या ९ उमेदेवारांपैकी ४, भाजपच्या ७ उमेदवारांपैकी ४, राष्ट्रवादी काँग्रेसच्या ७ पैकी ५ उमेदवारांचा समावेश आहे.
कोट्यधीश...
संजय भोसले (वंचित बहुजन आघाडी)- १२५ कोटी ६ लाख
श्रीरंग बारणे (शिवसेना)- १०२ कोटी ३३ लाख
प्रिया दत्त (काँग्रेस)- ९६ कोटी २० लाख
मिलिंद देवरा (काँग्रेस)- ७९ कोटी ३२ लाख
उर्मिला मातोंडकर (काँग्रेस)- ६८ कोटी ९० लाख
समीर भुजबळ (राष्ट्रवादी )- ६५ कोटी ४६ लाख
सुभाष पासी (समाजवादी पक्ष)- ६४ कोटी २० लाख
इंजिनिअर नवीन बेताब (अपक्ष)- ५१ कोटी २ लाख
बाबाजी पाटील (राष्ट्रवादी)- ४२ कोटी १८ लाख
कुणाल पाटील (काँग्रेस)- ४२ कोटी ९ लाख