मुंबईत कारचा भीषण अपघात, ९ जखमी

मटा ऑनलाइन वृत्त । मुंबई

शनिवारी मध्यरात्री दादर-माटुंगा उड्डाणपुलावर कार आणि ट्रकची जोरदार टक्कर झाली. या भीषण अपघातात ९ जण गंभीर जखमी झाले असून त्यांची प्रकृती चिंताजनक असल्याचं सांगण्यात येतं.

दादर-माटुंगा उड्डाणपुलावर स्कॉर्पिओ कार आणि ट्रक समोरासमोर आल्यानं हा भीषण अपघात झाला असल्याचं सांगण्यात येतं. या अपघातात कारचा पूर्ण चेंदामेंदा झाला आहे. जखमींना बाजूच्याच सायन रुग्णालयात उपचारासाठी दाखल करण्यात आलं असून जखमीपैकी काही जणांची प्रकृती गंभीर असल्याचीही प्राथमिक माहिती समजली आहे. याप्रकरणी पोलिसांनी गुन्हा दाखल केला असून अधिक तपास सुरू आहे.