मुंबई:
एका जलद लोकलचे ९ डबे भाईंदर येथे प्लॅटफॉर्मवर न थांबता थोडे पुढे जाऊन थांबल्याची घटना भाईंदरमध्ये घडली आहे. याप्रकरणी पश्चिम रेल्वे अधिक तपास करत असून मोटरमन शशी भूषण आणि गार्ड वेंकटेश मुदलियारला बडतर्फ करण्यात आलं आहे.
शुक्रवारी सकाळी सातच्या सुमारास ही लोकल भाईंदर स्थानकावर पोहोचली. विरार आणि भाईंदर या दोन स्थानकांच्यामध्ये फक्त वसई रोड या एकाच स्थानकावर ती थांबली. भाईंदरला पोहोचल्यावर या लोकलचे नऊ डबे प्लॅटफॉर्मच्या पुढे जाऊन थांबले. यामुळे कोणतीही दुर्घटना झाली नसली तरी प्रवाशांची मात्र तारांबळ उडाली आहे. ‘ मोटरमनच्या अनावधानामुळे लोकलचे ब्रेक उशिरा दाबले गेले. यामुळेच लोकल स्टेशनच्या थोडं पुढे जाऊन थांबली. तरी याप्रकरणी अधिक चौकशी केली जाणार आहे.’ अशी माहिती पश्चिम रेल्वेच्या प्रवक्त्याने दिली आहे.
अशा चुकांसाठी रेल्वे कर्मचाऱ्यांनाच जबाबदार धरल जातं अशी माहिती रेल्वे प्रशासनाने दिली आहे.
एका जलद लोकलचे ९ डबे भाईंदर येथे प्लॅटफॉर्मवर न थांबता थोडे पुढे जाऊन थांबल्याची घटना भाईंदरमध्ये घडली आहे. याप्रकरणी पश्चिम रेल्वे अधिक तपास करत असून मोटरमन शशी भूषण आणि गार्ड वेंकटेश मुदलियारला बडतर्फ करण्यात आलं आहे.
शुक्रवारी सकाळी सातच्या सुमारास ही लोकल भाईंदर स्थानकावर पोहोचली. विरार आणि भाईंदर या दोन स्थानकांच्यामध्ये फक्त वसई रोड या एकाच स्थानकावर ती थांबली. भाईंदरला पोहोचल्यावर या लोकलचे नऊ डबे प्लॅटफॉर्मच्या पुढे जाऊन थांबले. यामुळे कोणतीही दुर्घटना झाली नसली तरी प्रवाशांची मात्र तारांबळ उडाली आहे. ‘ मोटरमनच्या अनावधानामुळे लोकलचे ब्रेक उशिरा दाबले गेले. यामुळेच लोकल स्टेशनच्या थोडं पुढे जाऊन थांबली. तरी याप्रकरणी अधिक चौकशी केली जाणार आहे.’ अशी माहिती पश्चिम रेल्वेच्या प्रवक्त्याने दिली आहे.
अशा चुकांसाठी रेल्वे कर्मचाऱ्यांनाच जबाबदार धरल जातं अशी माहिती रेल्वे प्रशासनाने दिली आहे.