मुंबई :
शिवस्मारकाच्या पायाभरणीच्या कार्यक्रमासाठी जात असलेल्या बोटींच्या ताफ्यातील एका स्पीड बोटीला अपघात झाला आहे. ही बोट खडकावर आदळून बुडाली असून अपघातानंतर तातडीने बचावकार्य सुरू करण्यात आलं आहे. या बोटीवर २५ जण होते. यापैकी २४ जणांना वाचवण्यात यश आलं असून सिद्धेश पवार या तरुणाचा बुडून मृत्यू झाला आहे. दरम्यान, या अपघातानंतर पायाभरणीचा नियोजित कार्यक्रम रद्द करण्यात आला आहे.
अरबी समुद्रात होत असलेल्या या बहुचर्चित शिवस्मारकाच्या उभारणीला पर्यावरण विभागाकडून हिरवा कंदिल मिळाल्यानंतर आज २४ ऑक्टोबरपासून प्रत्यक्ष बांधकामाला सुरुवात होणार होती. हे आंतरराष्ट्रीय दर्जाचे स्मारक उभारण्याचे कंत्राट एल अँड टी कंपनीला देण्यात आलेले आहे. आजपासून या स्मारकासाठी समुद्रात नियोजित स्थळी भराव टाकला जाणार होता.
पायाभरणी कार्यक्रमाला मुख्य सचिव, अन्य शासकीय अधिकारी, शिवसंग्राम संघटनेचे अध्यक्ष विनायक मेटे तसेच पत्रकार व छायाचित्रकार दुपारी ३ वाजताच्या सुमारास गेटवे ऑफ इंडिया येथून निघाले. दरम्यान, बोटींचा ताफा स्मारकाच्या नियोजित स्थळाकडे जात असतानाच यातील एक स्पीडबोट खडकावर आदळून ही भीषण दुर्घटना घडली. अपघातग्रस्त बोटीत अधिकारी तसेच शिवसंग्रामचे काही कार्यकर्ते होते. यापैकी २४ जणांना वाचवण्यात यश आलं तर सिद्धेश पवार या तरुणाचा बुडून मृत्यू झाला. तो शिवसंग्रामच्या बीडमधील कार्यकर्त्याचा नातेवाईक असल्याचे सांगण्यात येत आहे. रात्री उशिरा सिद्धेशचा मृतदेह हाती लागला आहे.
मरिन ड्राइव्हपासून साडेतीन किलोमीटर अंतरावर समुद्रात ही दुर्घटना घडली. सायंकाळी साडेचारच्या सुमारास दुर्घटना घडल्यानंतर तटरक्षक दल, पोलीस व यंत्रणांनी तातडीने बचावकार्य सुरू केले. दोन हेलिकॉप्टर्सचीही मदत घेण्यात आली. अवघ्या काही मिनिटांतच दुर्घटनाग्रस्त बोटीतील २४ जणांना सुखरूपपणे बाहेर काढण्यात आले. त्यानंतर या सर्व जणांना अन्य बोटीतून माघारी पाठवण्यात आले, अशी माहिती अधिकाऱ्यांनी दिली.
शिवस्मारकाच्या पायाभरणीच्या कार्यक्रमासाठी जात असलेल्या बोटींच्या ताफ्यातील एका स्पीड बोटीला अपघात झाला आहे. ही बोट खडकावर आदळून बुडाली असून अपघातानंतर तातडीने बचावकार्य सुरू करण्यात आलं आहे. या बोटीवर २५ जण होते. यापैकी २४ जणांना वाचवण्यात यश आलं असून सिद्धेश पवार या तरुणाचा बुडून मृत्यू झाला आहे. दरम्यान, या अपघातानंतर पायाभरणीचा नियोजित कार्यक्रम रद्द करण्यात आला आहे.
अरबी समुद्रात होत असलेल्या या बहुचर्चित शिवस्मारकाच्या उभारणीला पर्यावरण विभागाकडून हिरवा कंदिल मिळाल्यानंतर आज २४ ऑक्टोबरपासून प्रत्यक्ष बांधकामाला सुरुवात होणार होती. हे आंतरराष्ट्रीय दर्जाचे स्मारक उभारण्याचे कंत्राट एल अँड टी कंपनीला देण्यात आलेले आहे. आजपासून या स्मारकासाठी समुद्रात नियोजित स्थळी भराव टाकला जाणार होता.
पायाभरणी कार्यक्रमाला मुख्य सचिव, अन्य शासकीय अधिकारी, शिवसंग्राम संघटनेचे अध्यक्ष विनायक मेटे तसेच पत्रकार व छायाचित्रकार दुपारी ३ वाजताच्या सुमारास गेटवे ऑफ इंडिया येथून निघाले. दरम्यान, बोटींचा ताफा स्मारकाच्या नियोजित स्थळाकडे जात असतानाच यातील एक स्पीडबोट खडकावर आदळून ही भीषण दुर्घटना घडली. अपघातग्रस्त बोटीत अधिकारी तसेच शिवसंग्रामचे काही कार्यकर्ते होते. यापैकी २४ जणांना वाचवण्यात यश आलं तर सिद्धेश पवार या तरुणाचा बुडून मृत्यू झाला. तो शिवसंग्रामच्या बीडमधील कार्यकर्त्याचा नातेवाईक असल्याचे सांगण्यात येत आहे. रात्री उशिरा सिद्धेशचा मृतदेह हाती लागला आहे.
मरिन ड्राइव्हपासून साडेतीन किलोमीटर अंतरावर समुद्रात ही दुर्घटना घडली. सायंकाळी साडेचारच्या सुमारास दुर्घटना घडल्यानंतर तटरक्षक दल, पोलीस व यंत्रणांनी तातडीने बचावकार्य सुरू केले. दोन हेलिकॉप्टर्सचीही मदत घेण्यात आली. अवघ्या काही मिनिटांतच दुर्घटनाग्रस्त बोटीतील २४ जणांना सुखरूपपणे बाहेर काढण्यात आले. त्यानंतर या सर्व जणांना अन्य बोटीतून माघारी पाठवण्यात आले, अशी माहिती अधिकाऱ्यांनी दिली.