कल्पेशराज कुबल, कॉलेज क्लब रिपोर्टर
मुंबई : गणेशोत्सव काही दिवसांवर येऊन ठेपल्यामुळे कार्यकर्त्यांनी कामात जोर धरला आहे. मंडप उभारण्याच्या परवानगीपासून वाहतूक विभागाच्या परवानगीपर्यंत अनेक ‘ना हरकत’ प्रमाणपत्रांची आवश्यक मंडळाला असते. त्यासाठी विविध प्रशासकीय कार्यालयात भेट देऊन अर्ज मिळवण्यासाठी कार्यकर्त्यांना पायपीट करावी लागते. परंतु आता बाप्पाचा ऑनलाइन स्टेट्सप्रमाणे हे अर्जदेखील ऑनलाइन उपलब्ध होणार आहेत.
बृहन्मुंबई सार्वजनिक गणेशोत्सव समन्वय समितीद्वारे गणेशमंडळांच्या सोयीसाठी विशिष्ट अँड्रॉइड अॅप्लिकेशन विकसित करण्यात आले आहे. या अॅपवरून आवश्यक ते अर्ज मंडळाच्या कार्यकर्त्यांना डाऊनलोड करता येईल. प्रशासनासोबत गणेशोत्सवापूर्वी परवानगीबाबत किंवा गणेशोत्सव चालू असताना स्थानिक पातळीवर प्रशासनाच्या मदतीने समन्वय साधून उत्सव सुरळीत पार पाडण्याचे कार्य ‘बृहन्मुंबई सार्वजनिक गणेशोत्सव समन्वय समिती’ करत असते. लोकमान्य टिळक यांच्या ‘स्वराज्य हा माझा जन्मसिद्ध हक्क आहे आणि तो मी मिळवणारच’ या घोषणेला यंदा १०० वर्षे पूर्ण होत आहेत. टिळकांच्या दृष्टीतील गणेशोत्सव सुरळीत साजरा व्हावा म्हणूनच यंदा समितीने ‘समन्वय श्रीगणेशा’ अॅप विकसित केले आहे. भारतातील पहिले ईको फ्रेण्डली गणपतीची माहिती देणारे ‘ईको बाप्पा’ हे अॅप सुरू करणारे प्रतिक जाधव, सिद्धेश चव्हाण आणि अनिकेत खाडे या तरुणानी हा अॅप निर्मिला आहे. या अॅपचा लोकार्पण सोहळा मंगळवार, ९ ऑगस्टला मुंबईच्या महापौर स्नेहल आंबेकर यांच्या हस्ते होईल, अशी माहिती बृहन्मुंबई सार्वजनिक गणेशोत्सव समन्वय समितीचे अध्यक्ष डॉ. नरेश दहिबावकर यांनी दिली.
असा चालतो अॅप
‘समन्वय श्रीगणेशा’ अॅप मराठी असून ते गुगल प्लेस्टोर मोफत उपलब्ध आहे. पोलिस ठाणे, महानगरपालिका वार्ड, वाहतूक विभाग, रिलायन्स किंवा बेस्ट विद्युत विभाग या आस्थापनांच्या कार्यालयातील परवानगी अर्ज यावर पीडीएफच्या स्वरूपात उपलब्ध आहेत.
उत्सव काळातील गणेश मंडळांवरील तसेच प्रशासनावरील ताण कमी व्हावा यासाठी आम्ही प्रयत्नशील होतो आणि त्यातूनच अॅपची निर्मिती करण्याची संकल्पना पुढे आली. सर्व आवश्यक परवानग्या, अर्ज मंडळांना काही क्लिकवर यामुळे उपलब्ध होतील. - डॉ. नरेश दहिबावकर, अध्यक्ष-बृहन्मुंबई सार्वजनिक गणेशोत्सव समन्वय समिती
मुंबई : गणेशोत्सव काही दिवसांवर येऊन ठेपल्यामुळे कार्यकर्त्यांनी कामात जोर धरला आहे. मंडप उभारण्याच्या परवानगीपासून वाहतूक विभागाच्या परवानगीपर्यंत अनेक ‘ना हरकत’ प्रमाणपत्रांची आवश्यक मंडळाला असते. त्यासाठी विविध प्रशासकीय कार्यालयात भेट देऊन अर्ज मिळवण्यासाठी कार्यकर्त्यांना पायपीट करावी लागते. परंतु आता बाप्पाचा ऑनलाइन स्टेट्सप्रमाणे हे अर्जदेखील ऑनलाइन उपलब्ध होणार आहेत.
बृहन्मुंबई सार्वजनिक गणेशोत्सव समन्वय समितीद्वारे गणेशमंडळांच्या सोयीसाठी विशिष्ट अँड्रॉइड अॅप्लिकेशन विकसित करण्यात आले आहे. या अॅपवरून आवश्यक ते अर्ज मंडळाच्या कार्यकर्त्यांना डाऊनलोड करता येईल. प्रशासनासोबत गणेशोत्सवापूर्वी परवानगीबाबत किंवा गणेशोत्सव चालू असताना स्थानिक पातळीवर प्रशासनाच्या मदतीने समन्वय साधून उत्सव सुरळीत पार पाडण्याचे कार्य ‘बृहन्मुंबई सार्वजनिक गणेशोत्सव समन्वय समिती’ करत असते. लोकमान्य टिळक यांच्या ‘स्वराज्य हा माझा जन्मसिद्ध हक्क आहे आणि तो मी मिळवणारच’ या घोषणेला यंदा १०० वर्षे पूर्ण होत आहेत. टिळकांच्या दृष्टीतील गणेशोत्सव सुरळीत साजरा व्हावा म्हणूनच यंदा समितीने ‘समन्वय श्रीगणेशा’ अॅप विकसित केले आहे. भारतातील पहिले ईको फ्रेण्डली गणपतीची माहिती देणारे ‘ईको बाप्पा’ हे अॅप सुरू करणारे प्रतिक जाधव, सिद्धेश चव्हाण आणि अनिकेत खाडे या तरुणानी हा अॅप निर्मिला आहे. या अॅपचा लोकार्पण सोहळा मंगळवार, ९ ऑगस्टला मुंबईच्या महापौर स्नेहल आंबेकर यांच्या हस्ते होईल, अशी माहिती बृहन्मुंबई सार्वजनिक गणेशोत्सव समन्वय समितीचे अध्यक्ष डॉ. नरेश दहिबावकर यांनी दिली.
असा चालतो अॅप
‘समन्वय श्रीगणेशा’ अॅप मराठी असून ते गुगल प्लेस्टोर मोफत उपलब्ध आहे. पोलिस ठाणे, महानगरपालिका वार्ड, वाहतूक विभाग, रिलायन्स किंवा बेस्ट विद्युत विभाग या आस्थापनांच्या कार्यालयातील परवानगी अर्ज यावर पीडीएफच्या स्वरूपात उपलब्ध आहेत.
उत्सव काळातील गणेश मंडळांवरील तसेच प्रशासनावरील ताण कमी व्हावा यासाठी आम्ही प्रयत्नशील होतो आणि त्यातूनच अॅपची निर्मिती करण्याची संकल्पना पुढे आली. सर्व आवश्यक परवानग्या, अर्ज मंडळांना काही क्लिकवर यामुळे उपलब्ध होतील. - डॉ. नरेश दहिबावकर, अध्यक्ष-बृहन्मुंबई सार्वजनिक गणेशोत्सव समन्वय समिती