अब्दुल सत्तार संतप्त; म्हणाले, ... तर ज्यांनी हे आरोप केलेत त्यांना फासावर लटकवा!

मुंबई : महाराष्ट्र राज्य परीक्षा परिषदेच्या वतीने घेण्यात आलेल्या शिक्षक पात्रता परीक्षेच्या (टीईटी) घोटाळा प्रकरणी झालेल्या आरोपांवरून माजी मंत्री आणि शिंदे समर्थक आमदार अब्दुल सत्तार चर्चेत आले आहे. हिना आणि उजमा अब्दुल सत्तार यांच्या मुली २०२० मध्ये टीईटी मध्ये अपात्र असल्याच समोर आलं आहे. या प्रकरणी परीक्षा परिषदेकडून यादी जाहीर करण्यात आली आहे. सर्व अपात्र असणाऱ्या लोकांनी पात्र होण्यासाठी आरोपी सुपे याला पैसे दिले होते, असा आरोप आहे. आता या प्रकरणी अब्दुल सत्तार यांनी आपल्यावरील आरोप फेटाळून लावले आहेत. हा बदनामीचा कट असल्याचा सत्तार यांनी केला आहे.

माझ्या मुलींनी टीईटी परीक्षा दिली. पण त्या पात्र झाल्या नाहीत. आज अचानक २०२२ मध्ये यादी समोर आली. या चार वर्षांमध्ये कुठेही मुली पास झाल्या असतील आणि त्याचा फायदा घेतला असेल ते दाखवा. शिक्षण खात्यातील एक-एक कागदपत्र कोणीही माहितीच्या अधिकाराखील मागवून बघू शकतो. माझ्या संस्थेमध्ये माझ्यामुली २०१७ मध्ये नोकरीला लागल्या. त्यांना विचारणा केल्यानंतर त्यांनी परीक्षा आणि त्या अपात्र ठरल्या. त्यांची प्रमाणपत्र माझ्याकडे आहेत. कुणाला हवी असतील तर त्याची कॉपीही देतो, असं अब्दुल सत्तार यांनी स्पष्ट केलं.

Abdul Sattar: मोठी बातमी: टीईटी घोटाळ्याचे धागेदोरे अब्दुल सत्तारांपर्यंत, दोन्ही मुलींची प्रमाणपत्र रद्द

मला बदनाम करण्याचा प्रयत्न सुरू आहे. आमची चूक असेल तर माझ्या मुलींवर कारवाई करावी. पण चूक नसेल तर ज्यांनी हे सर्व आरोप केले आहेत, त्याला फासावर लटकवायला पाहिजे. आणि या आरोपांप्रकरणी मी चौकशीची मागणी करतो. अशा पद्धतीने कुणालाही बदनाम करण्याचे काम कोणीही करू नये. या प्रकरणी कुठलीही विचारपूस करायची असेल तर शिक्षणाधिकारी आहेत, उपसंचालक आहेत. त्यांच्या कार्यालयात आमच्या संस्थेच्या माध्यमातून एक कागदही गेला असेल दोन्ही मुलींच्या नावाने तर आम्ही नक्कीच जबाबदार राहू. पण चुकीची माहिती देऊन समाजात आणि राजकारणात बदनाम करण्याचा प्रयत्न करणाऱ्यांवर कडक कारवाई करावी अशी मागणी मीच करणार आहे, असं अब्दुल सत्तार म्हणाले.

महाराष्ट्राच्या मुख्यमंत्र्यांचा दिल्लीत अवमान? बैठकीतील फोटो व्हायरल; विरोधकांची जोरदार टीका

काय आहे प्रकरण?

टीईटी परीक्षा प्रमाणपत्रासाठी उजमा आणि हिना यांनी एजंटला पैसे दिल्याचा आरोप आहे. माजी राज्यमंत्री अब्दुल सत्तार यांच्या दोन्ही मुलींची टीईटी प्रमाणपत्रे रद्द करण्यात आल्याचं बोललं जात आहे. परीक्षा परिषदेकडून या प्रकरणी यादी जाहीर करण्यात आली. या यादीमध्ये संभाजीनगर जिल्ह्यातील काही उमेदवारांचा समावेश आहे. यादी जाहीर झाल्यानंतर गैरप्रकारात अडकलेल्या उमेदवारांची नावेही समोर आली आहेत. या टीईटी घोटाळ्यात सिल्लोडचे आमदार, माजी महसूल राज्यमंत्री अब्दुल सत्तार यांच्या मुली हीना कौसर अब्दुल सत्तार शेख आणि उजमा नाहीद अब्दुल सत्तार शेख या दोन मुलींचाही समावेश असल्याचे समोर आले आहे. अब्दुल सत्तार यांच्या सिल्लोडमध्ये सात शैक्षणिक संस्था आहेत. या संस्थांमध्येच या मुलीही सेवेत असल्याचे सांगण्यात आले.