म. टा. विशेष प्रतिनिधी, मुंबई
गर्भपाताची किट्स, आयुर्वेदिक डॉक्टरांकडून शस्त्रक्रिया अशा विविध कारणांमुळे छापा टाकण्यात आलेल्या विक्रोळीच्या रुबी मेडिकल सेंटरमध्ये कोणत्याही परवानगीशिवाय पॅथॉलॉजी चाचण्याही केल्या जात असाव्यात, असा दुवा तपास यंत्रणांपुढे आला आहे. अन्न व औषध प्रशासनाच्या (एफडीए) पथकाने शुक्रवारी रुबीमधून आणखी ३४ हजार रुपयांची बेहिशेबी औषधे जप्त केली.
एफडीएच्या गुप्तवार्ता पथकाने टाकलेल्या छाप्यात पहिल्याच दिवशी ७० हजार रुपयांची औषधे जप्त करण्यात आली होती. रुबीमध्येच असलेल्या वेदान्त मेडिकल स्टोअरमधून हा साठा जप्त करण्यात आला होता. आणखी ३४ हजार रुपयांच्या जप्त करण्यात आलेल्या औषधांबाबत त्यांच्या खरेदीचे पुरावे सापडले नाहीत. यापैकी बरीचशी औषधे रुग्णालयाच्या ताब्यात होती. मात्र वेदान्तच्या विक्री बिलांवर मात्र तिसऱ्याच ग्राहकांना औषधे विकली गेल्याची नोंद होती. रुबी मेडिकल सेंटरच्या कागदपत्रांमध्ये भूलतज्ज्ञांनीही काही शस्त्रक्रियेच्या कागदांवर स्वाक्षरी केल्याची नोंद आहे. आता या भूलतज्ज्ञांची चौकशी पोलिसांकडून केली जाण्याची शक्यता आहे. याप्रकरणी पोलिस आता पुरेशा जलद गतीने कारवाई करतील का, असा प्रश्न विचारला जात आहे.
गर्भपाताची किट्स, आयुर्वेदिक डॉक्टरांकडून शस्त्रक्रिया अशा विविध कारणांमुळे छापा टाकण्यात आलेल्या विक्रोळीच्या रुबी मेडिकल सेंटरमध्ये कोणत्याही परवानगीशिवाय पॅथॉलॉजी चाचण्याही केल्या जात असाव्यात, असा दुवा तपास यंत्रणांपुढे आला आहे. अन्न व औषध प्रशासनाच्या (एफडीए) पथकाने शुक्रवारी रुबीमधून आणखी ३४ हजार रुपयांची बेहिशेबी औषधे जप्त केली.
एफडीएच्या गुप्तवार्ता पथकाने टाकलेल्या छाप्यात पहिल्याच दिवशी ७० हजार रुपयांची औषधे जप्त करण्यात आली होती. रुबीमध्येच असलेल्या वेदान्त मेडिकल स्टोअरमधून हा साठा जप्त करण्यात आला होता. आणखी ३४ हजार रुपयांच्या जप्त करण्यात आलेल्या औषधांबाबत त्यांच्या खरेदीचे पुरावे सापडले नाहीत. यापैकी बरीचशी औषधे रुग्णालयाच्या ताब्यात होती. मात्र वेदान्तच्या विक्री बिलांवर मात्र तिसऱ्याच ग्राहकांना औषधे विकली गेल्याची नोंद होती. रुबी मेडिकल सेंटरच्या कागदपत्रांमध्ये भूलतज्ज्ञांनीही काही शस्त्रक्रियेच्या कागदांवर स्वाक्षरी केल्याची नोंद आहे. आता या भूलतज्ज्ञांची चौकशी पोलिसांकडून केली जाण्याची शक्यता आहे. याप्रकरणी पोलिस आता पुरेशा जलद गतीने कारवाई करतील का, असा प्रश्न विचारला जात आहे.