मुंबई : इंडियन कौन्सिल ऑफ मेडिकल रिसर्चने देशातील २७ खासगी प्रयोगशाळांना करोना तपासणी केंद्र म्हणून मान्यता दिली असून, यापैकी सर्वाधिक आठ प्रयोगशाळा राज्यातील आहेत, अशी माहिती वैद्यकीय शिक्षणमंत्री अमित देशमुख यांनी गुरुवारी दिली.
थायरोकेअर टेक्नॉलॉजीज लिमिटेड, नवी मुंबई, सबर्बन डायग्नोस्टिक प्रायव्हेट लिमिटेड, मेट्रोपोलिस हेल्थकेअर लिमिटेड, मुंबई, सर एच. एन. रिलायन्स फाउंडेशन रुग्णालय, नवी मुंबई, एस. आर. एल. लिमिटेड, मुंबई, ए. जी. डायग्नोस्टिक प्रायव्हेट लिमिटेड, पुणे, कोकिलाबेन धीरुभाई अंबानी रुग्णालय लॅबोरेटरी, मुंबई आणि इन्फेक्शन लॅबोरेटरिज प्रायव्हेट लिमिटेड, ठाणे या खासगी लॅबचा यामध्ये समावेश आहे. यामुळे करोना तपासणी अधिक जलद गतीने होऊ शकेल, असे देशमुख यांनी सांगितले.