म. टा. खास प्रतिनिधी, मुंबई
ग्राहकांना कमी इंधन देण्याच्या संदर्भातील तक्रारींप्रकरणी कारवाई करताना वैध मापन शास्त्र विभागाने राज्यभरातील सात पेट्रोल पंप जप्त केले आहेत, तर सहा वितरकांविरुद्ध खटले नोंदवण्यात आले आहेत.
राज्यातील पेट्रोल वितरकांकडून ग्राहकांना कमी इंधन देण्याच्या संदर्भातील तक्रारी वैध मापन शास्त्र विभागाकडे आल्या होत्या. या तक्रारींची चाचपणी करण्यासाठी वैध मापन शास्त्र विभागाने मार्च महिन्यात विशेष मोहिम रावबून राज्यातील १,६३६ पेट्रोल - डिझेल वितरकांची तसेच ११,४१८ पंपाची तपासणी केली. त्यानंतर ही कारवाई करण्यात आली.
मुंबईत ४१, कोकणात ३० पंप बंद
मुंबईमध्ये १४५ वितरकांची आणि १,७३४ पंपांची तपासणी करण्यात आली. त्यापैकी ४१ पंपांनी नियमांचे उल्लंघन केल्यामुळे त्यांना नोटिस देऊन ते बंद करण्यात आले आहेत. महाराष्ट्र वैध मापन शास्त्र (अंमलबजावणी) नियम २०११मधील तरतुदींनुसार पेट्रोलियम पदार्थांच्या अचूक वितरणाची खात्री करण्यासाठी प्रत्येक पंपावर ५ लीटर क्षमतेचे प्रमाणित माप ठेवणे बंधनकारक आहे. या नियमांचे उल्लंघन केल्याप्रकरणी ही कारवाई करण्यात आली. कोकण विभागामध्ये १६० वितरक, १,२०२ पंपांची तपासणी करण्यात आली. या विभागात ३० पेट्रोल पंप बंद करण्यात आले आहेत.
पुणे, नाशिकमध्येही कारवाई
पुणे विभागात ३७७ वितरकांची आणि २,५११ पंपांची तपासणी करण्यात आले. पेट्रोलियम पदार्थांचे कमी वितरण करून ग्राहकांची फसवणूक केल्याप्रकरणी १७ पेट्रोल पंप बंद करण्यात आले आहेत. नाशिकमध्ये ३२२ वितरकांची आणि २ हजार पंपांची तपासणी करण्यात आली. यापैकी ९९ पेट्रोल पंपांना नोटिसा देऊन बंद करण्यात आले आहेत.
पुढे या,तक्रार नोंदवा
ग्राहकांना वितरणाबद्दल शंका असल्यास त्यांनी वैध मापन शास्त्र कार्यालयाशी संपर्क साधावा, असे आवाहन करण्यात आले आहे. संपर्क - २२८८६६६६ किंवा ईमेल - dclmms_complaints@yahoo.com
ग्राहकांना कमी इंधन देण्याच्या संदर्भातील तक्रारींप्रकरणी कारवाई करताना वैध मापन शास्त्र विभागाने राज्यभरातील सात पेट्रोल पंप जप्त केले आहेत, तर सहा वितरकांविरुद्ध खटले नोंदवण्यात आले आहेत.
राज्यातील पेट्रोल वितरकांकडून ग्राहकांना कमी इंधन देण्याच्या संदर्भातील तक्रारी वैध मापन शास्त्र विभागाकडे आल्या होत्या. या तक्रारींची चाचपणी करण्यासाठी वैध मापन शास्त्र विभागाने मार्च महिन्यात विशेष मोहिम रावबून राज्यातील १,६३६ पेट्रोल - डिझेल वितरकांची तसेच ११,४१८ पंपाची तपासणी केली. त्यानंतर ही कारवाई करण्यात आली.
मुंबईत ४१, कोकणात ३० पंप बंद
मुंबईमध्ये १४५ वितरकांची आणि १,७३४ पंपांची तपासणी करण्यात आली. त्यापैकी ४१ पंपांनी नियमांचे उल्लंघन केल्यामुळे त्यांना नोटिस देऊन ते बंद करण्यात आले आहेत. महाराष्ट्र वैध मापन शास्त्र (अंमलबजावणी) नियम २०११मधील तरतुदींनुसार पेट्रोलियम पदार्थांच्या अचूक वितरणाची खात्री करण्यासाठी प्रत्येक पंपावर ५ लीटर क्षमतेचे प्रमाणित माप ठेवणे बंधनकारक आहे. या नियमांचे उल्लंघन केल्याप्रकरणी ही कारवाई करण्यात आली. कोकण विभागामध्ये १६० वितरक, १,२०२ पंपांची तपासणी करण्यात आली. या विभागात ३० पेट्रोल पंप बंद करण्यात आले आहेत.
पुणे, नाशिकमध्येही कारवाई
पुणे विभागात ३७७ वितरकांची आणि २,५११ पंपांची तपासणी करण्यात आले. पेट्रोलियम पदार्थांचे कमी वितरण करून ग्राहकांची फसवणूक केल्याप्रकरणी १७ पेट्रोल पंप बंद करण्यात आले आहेत. नाशिकमध्ये ३२२ वितरकांची आणि २ हजार पंपांची तपासणी करण्यात आली. यापैकी ९९ पेट्रोल पंपांना नोटिसा देऊन बंद करण्यात आले आहेत.
पुढे या,तक्रार नोंदवा
ग्राहकांना वितरणाबद्दल शंका असल्यास त्यांनी वैध मापन शास्त्र कार्यालयाशी संपर्क साधावा, असे आवाहन करण्यात आले आहे. संपर्क - २२८८६६६६ किंवा ईमेल - dclmms_complaints@yahoo.com