मुंबई
'लालबागचा राजा' च्या दरबारात भक्तांच्या सेवेसाठी 'ऑन ड्यूटी' असलेल्या पोलिसांसोबत हुज्जत घालणाऱ्या मंडळाच्या मुजोर कार्यकर्त्यांवर पोलीस कारवाई करणार आहे. गणपती विसर्जन झाल्यानंतर या कार्यकर्त्यांवर कारवाई करण्याचे आदेश मुंबई पोलिसांना देण्यात आले आहेत.
१८ सप्टेंबरला 'लालबागचा राजा' च्या दरबारात दुपारच्या सुमारास पोलीस आणि मंडळाचे कार्यकर्ते यांच्यात धक्काबुक्की झाली होती. मंडळाचे मुजोर कार्यकर्ते यावेळी पोलिसांवर धावून गेले होते. त्यामुळे या ठिकाणी तणावाचे वातावरण निर्माण झाले होते. मंडळाचा खजिनदार मंगेश दळवी यांना गर्दीला सावरत असताना पोलिसाचा धक्का लागला होता. त्यावरुन कार्यकर्ते आणि पोलिसांमध्ये हमरीतुमरी झाली होती.
लालबागचा राजाच्या दर्शनासाठी हजारो भाविक आले होते. त्यांच्या सुरक्षेसाठी तैनात असलेल्या पोलिसांची दमछाक होत होती. गर्दीला सावरत असताना मंडळाच्या कार्यकर्त्याला धक्का लागला. व त्यानंतर मंडळाचे कार्यकर्ते पोलिसांवर धावून गेले. याची पोलीस प्रशासनाने गंभीर दखल घेत मुजोर कार्यकर्त्यांवर कारवाई करण्याचा निर्णय घेतला आहे. लालबागच्या दरबारात मंडळाच्या कार्यकर्त्यांकडून राडा होण्याची ही पहिलीच वेळ नाही. याआधीही महिला भक्तांना लालबागच्या मंडपात धक्काबुक्की करण्यात आली होती व त्याचा व्हिडिओही सोशल मीडियावर व्हायरल झाला होता.
'लालबागचा राजा' च्या दरबारात भक्तांच्या सेवेसाठी 'ऑन ड्यूटी' असलेल्या पोलिसांसोबत हुज्जत घालणाऱ्या मंडळाच्या मुजोर कार्यकर्त्यांवर पोलीस कारवाई करणार आहे. गणपती विसर्जन झाल्यानंतर या कार्यकर्त्यांवर कारवाई करण्याचे आदेश मुंबई पोलिसांना देण्यात आले आहेत.
१८ सप्टेंबरला 'लालबागचा राजा' च्या दरबारात दुपारच्या सुमारास पोलीस आणि मंडळाचे कार्यकर्ते यांच्यात धक्काबुक्की झाली होती. मंडळाचे मुजोर कार्यकर्ते यावेळी पोलिसांवर धावून गेले होते. त्यामुळे या ठिकाणी तणावाचे वातावरण निर्माण झाले होते. मंडळाचा खजिनदार मंगेश दळवी यांना गर्दीला सावरत असताना पोलिसाचा धक्का लागला होता. त्यावरुन कार्यकर्ते आणि पोलिसांमध्ये हमरीतुमरी झाली होती.
लालबागचा राजाच्या दर्शनासाठी हजारो भाविक आले होते. त्यांच्या सुरक्षेसाठी तैनात असलेल्या पोलिसांची दमछाक होत होती. गर्दीला सावरत असताना मंडळाच्या कार्यकर्त्याला धक्का लागला. व त्यानंतर मंडळाचे कार्यकर्ते पोलिसांवर धावून गेले. याची पोलीस प्रशासनाने गंभीर दखल घेत मुजोर कार्यकर्त्यांवर कारवाई करण्याचा निर्णय घेतला आहे. लालबागच्या दरबारात मंडळाच्या कार्यकर्त्यांकडून राडा होण्याची ही पहिलीच वेळ नाही. याआधीही महिला भक्तांना लालबागच्या मंडपात धक्काबुक्की करण्यात आली होती व त्याचा व्हिडिओही सोशल मीडियावर व्हायरल झाला होता.