अभिनेता सुनील ग्रोवरला डेंग्यूची लागण

मटा ऑनलाइन वृत्त । मुंबई

प्रसिद्ध विनोदी अभिनेता सुनील ग्रोवरला डेंग्यूची लागण झाली आहे. त्याच्यावर मुंबईतील एशियन हार्ट इन्स्टिट्यूटमध्ये उपचार सुरु असून त्याची प्रकृती स्थिर असल्याचं त्याच्यावर उपचार करणाऱ्या वैद्यकीय सुत्रांनी सांगितलं.

सुनील ग्रोवरला तीन दिवसांपासून ताप होता. त्यामुळे त्याची रक्त तपासणी करण्यात आली असता त्याला डेंग्यूची लागण झाल्याचे निष्पन्न झालं. त्यानंतर त्याला एशियन हार्ट इन्स्टिट्यूटमध्ये गुरुवारी उपचारासाठी दाखल करण्यात आले. ‘द कपिल शर्मा शो’मध्ये त्याच्या ‘डॉ. मशहूर गुलाटी’ आणि ‘रिंकू भाभी’च्या भूमिका गाजल्या होत्या. ‘कॉमेडी नाईट विथ कपिल’मधील त्याची ‘गुत्थी’ची भूमिकाही गाजली होती. 'द कपिल शर्मा' शो दरम्यान त्याचं आणि कपिल शर्माचं वाजल्यानं त्याने हा शो सोडला होता.