वाढत्या निकालामुळे प्रवेशासाठी ‘परीक्षा’

sourabh.sharma1@timesgroup.com

मुंबई : सीबीएसई बोर्डाच्या निकालाची वाढलेली टक्केवारी व अलिकडच्या काळातील राज्य शिक्षण मंडळाच्या निकालाचा वाढता टक्का, यामुळे यंदाही एफवायच्या प्रवेशासाठी विद्यार्थ्यांना कसरत करावी लागणार आहे. प्रामुख्याने आवडत्या कॉलेजांमध्ये प्रवेश मिळवणे जणू ‘परीक्षा’च ठरणार आहे.

केंद्रीय माध्यमिक शिक्षण मंडळाचा (सीबीएसई) राज्याचा निकाल यंदा ९३.४७ टक्के लागला आहे. गेल्या वर्षीच्या तुलनेत निकालाची टक्केवारी दोनने वाढली आहे. यात मुंबईतील अनेक शाळांचे निकाल १०० टक्के लागले आहेत, तर अनेक विद्यार्थ्यांनी ९० टक्क्यांहून अधिक गुणांची कमाई केली आहे. दरम्यान, मागील काही वर्षांत राज्य शिक्षण मंडळाच्या निकालाचा टक्काही वाढला आहे. परिणामी नामांकित कॉलेजांच्या प्रवेशासाठीची स्पर्धा कमालीची वाढली आहे.

सेल्फ फायनान्सला प्राधान्य

नुकत्याच जाहीर झालेल्या या निकालात जवळपास ४० टक्के विद्यार्थ्यांना ९० टक्क्यांहून अधिक गुण मिळाले आहेत. यातील बरेच विद्यार्थ्यांचा कल सेल्फ फायनान्सकडे असल्याचे चित्र आहे. त्यामुळे प्रवेशाची चुरस अधिकच वाडणार असल्याचे मुख्याध्यापकांचे म्हणणे आहे.