म. टा. खास प्रतिनिधी, मुंबई
पाऊस सरल्यानंतर ऑक्टोबरपासून महापालिका रस्तेबांधणीचा धडाका उडवणार आहे. पहिल्या टप्प्यात ४५९.४८ किमी लांबीच्या रस्त्यांवरील १ हजार ६६८ कामे आणि जंक्शनची ११२ कामे केली जाणार आहेत. तसेच १८२.३८ किमी लांबीच्या रस्त्यांची ६६४ कामे आणि जंक्शनची ५९ कामे प्रस्तावित करण्यात आली आहे. या कामांची टेंडर प्रक्रिया अंतिम टप्प्यात आली आहे.
ज्या रस्त्यांची बांधणी नव्याने करण्यात येणार आहे अशा रस्त्यांचा समावेश ‘प्रकल्प रस्ते’ या वर्गवारीत करण्यात आला आहे. यामध्ये ५३३.५९ किमी एवढ्या लांबीच्या १,४४९ कामांचा समावेश आहे. तसेच १५८ जंक्शनचादेखील प्रकल्प कामांमध्ये समावेश आहे. पावसापूर्वी यापैकी ९३.४६ किमी लांबीची ३४४ कामे व जंक्शनच्या ४० कामांची पूर्तता करण्यात आली आहे. तर ३५१.६४ किमी लांबीची ८३५ कामे व जंक्शनची ११२ कामे ऑक्टोबरपासून टप्प्याटप्प्याने करण्यात येणार आहेत. उर्वरित ८८.४९ किमी लांबीच्या रस्त्यांच्या २७० प्रकल्प कामांसाठीची टेंडर प्रक्रिया आता अंतिम टप्प्यात आहे. यामध्ये जंक्शनच्या सहा कामांचादेखील समावेश आहे.
रस्त्यांचा पृष्ठभाग फार खराब झाल्याचे किंवा मोठ्या प्रमाणात खड्डे पडल्याचे आढळलेल्या रस्त्यांच्या भागांचा समावेश ‘प्राधान्यक्रम एक’ अंतर्गत करण्यात आला आहे. यामध्ये सुमारे २५.०२ किमी लांबीच्या रस्त्यांच्या ११२ कामांचा समावेश आहे. रस्त्यांच्या ज्या भागांवर काही प्रमाणात खड्डे पडल्याचे आढळून आले आहे व पृष्ठभाग बऱ्याच अंशी खराब झाला आहे, अशा कामांचा समावेश ‘प्राधान्यक्रम-दोन’मध्ये करण्यात आला आहे. यामध्ये १२६.९१ किमी रस्त्यांच्या ९३८ कामांचा समावेश आहे. रस्त्यांच्या ज्या भागांवर तात्काळ दुरुस्ती करण्याची आवश्यकता नाही, अशा कामांचा समावेश ‘प्राधान्यक्रम तीन’मध्ये करण्यात आला आहे. यामध्ये ९३.८९ किमी लांबीच्या रस्त्यांच्या ३९४ कामांचा समावेश आहे.
.......
खड्डे पडल्यास जबाबदारी कंत्राटदारांची
रस्त्यांची सर्व कामे हमी कालावधीतील आहेत. प्राधान्यक्रम १, २ व ३ अंतर्गत असणाऱ्या कामांचा हमी कालावधी दोन वर्षांचा आहे. या कालावधीदरम्यान कामे झालेल्या भागात खड्डे पडल्यास ते भरून संबंधित रस्ता विनामूल्य सुस्थितीत करून देण्याची जबाबदारी संबंधित कंत्राटदारावर टाकण्यात आली आहे, अशी माहिती रस्ते विभागाचे चीफ इंजिनीअर विनोद चिठोरे यांनी दिली.
पाऊस सरल्यानंतर ऑक्टोबरपासून महापालिका रस्तेबांधणीचा धडाका उडवणार आहे. पहिल्या टप्प्यात ४५९.४८ किमी लांबीच्या रस्त्यांवरील १ हजार ६६८ कामे आणि जंक्शनची ११२ कामे केली जाणार आहेत. तसेच १८२.३८ किमी लांबीच्या रस्त्यांची ६६४ कामे आणि जंक्शनची ५९ कामे प्रस्तावित करण्यात आली आहे. या कामांची टेंडर प्रक्रिया अंतिम टप्प्यात आली आहे.
ज्या रस्त्यांची बांधणी नव्याने करण्यात येणार आहे अशा रस्त्यांचा समावेश ‘प्रकल्प रस्ते’ या वर्गवारीत करण्यात आला आहे. यामध्ये ५३३.५९ किमी एवढ्या लांबीच्या १,४४९ कामांचा समावेश आहे. तसेच १५८ जंक्शनचादेखील प्रकल्प कामांमध्ये समावेश आहे. पावसापूर्वी यापैकी ९३.४६ किमी लांबीची ३४४ कामे व जंक्शनच्या ४० कामांची पूर्तता करण्यात आली आहे. तर ३५१.६४ किमी लांबीची ८३५ कामे व जंक्शनची ११२ कामे ऑक्टोबरपासून टप्प्याटप्प्याने करण्यात येणार आहेत. उर्वरित ८८.४९ किमी लांबीच्या रस्त्यांच्या २७० प्रकल्प कामांसाठीची टेंडर प्रक्रिया आता अंतिम टप्प्यात आहे. यामध्ये जंक्शनच्या सहा कामांचादेखील समावेश आहे.
रस्त्यांचा पृष्ठभाग फार खराब झाल्याचे किंवा मोठ्या प्रमाणात खड्डे पडल्याचे आढळलेल्या रस्त्यांच्या भागांचा समावेश ‘प्राधान्यक्रम एक’ अंतर्गत करण्यात आला आहे. यामध्ये सुमारे २५.०२ किमी लांबीच्या रस्त्यांच्या ११२ कामांचा समावेश आहे. रस्त्यांच्या ज्या भागांवर काही प्रमाणात खड्डे पडल्याचे आढळून आले आहे व पृष्ठभाग बऱ्याच अंशी खराब झाला आहे, अशा कामांचा समावेश ‘प्राधान्यक्रम-दोन’मध्ये करण्यात आला आहे. यामध्ये १२६.९१ किमी रस्त्यांच्या ९३८ कामांचा समावेश आहे. रस्त्यांच्या ज्या भागांवर तात्काळ दुरुस्ती करण्याची आवश्यकता नाही, अशा कामांचा समावेश ‘प्राधान्यक्रम तीन’मध्ये करण्यात आला आहे. यामध्ये ९३.८९ किमी लांबीच्या रस्त्यांच्या ३९४ कामांचा समावेश आहे.
.......
खड्डे पडल्यास जबाबदारी कंत्राटदारांची
रस्त्यांची सर्व कामे हमी कालावधीतील आहेत. प्राधान्यक्रम १, २ व ३ अंतर्गत असणाऱ्या कामांचा हमी कालावधी दोन वर्षांचा आहे. या कालावधीदरम्यान कामे झालेल्या भागात खड्डे पडल्यास ते भरून संबंधित रस्ता विनामूल्य सुस्थितीत करून देण्याची जबाबदारी संबंधित कंत्राटदारावर टाकण्यात आली आहे, अशी माहिती रस्ते विभागाचे चीफ इंजिनीअर विनोद चिठोरे यांनी दिली.