मुंबईत राष्ट्रवादीशी आघाडी शक्य: निरुपम

मटा ऑनलाइन वृत्त। मुंबई

शिवसेना पक्षप्रमुख उद्धव ठाकरे यांनी युती तोडल्याची घोषणा केल्यानंतर काँग्रेसच्या मुंबई महापालिका निवडणुकीसाठी आगाडीच्या आशा पल्लवीत झाल्या आहेत. मुंबईत कमीत कमी जागांवर राष्ट्रवादी काँग्रेस पक्ष जर तयार झाला तर राष्ट्रवादी काँग्रेससोबत मुंबई महापालिका निवडणुकीसाठी युती होऊ शकते अशी भूमिका मुंबई काँग्रेसचे अध्यक्ष संजय निरुपम यांनी जाहीर केली आहे. मुंबईत ते प्रसारमाध्यमांशी बोलत होते.

मुंबईत दाखल झालेले पक्षाचे काँग्रेस पक्षाचे प्रभारी यांनी मुंबईत महापालिका निवडणुकीसाठी आघाडी करण्याबाबत उत्सुकता दाखवली आहे. मात्र राष्ट्रवादी काँग्रेस पक्ष जर कमी जागांवर निवडणूक लढण्यास तयार असेल तर आम्ही आघाडी करण्यास तयार आहोत असे संजय निरुपम पुढे म्हणाले.

शिवसेनेने भाजपसोबतची युती तोडली असली तरी ते ढोंग आहे असे आपल्याला वाटत असल्याचे निरुपम म्हणाले. याचे कारण म्हणजे शिवसेनेने अद्याप केंद्र आणि राज्य सरकारचा पाठिंबा काढलेला नाही असे निरुपम म्हणाले.