टांझानियाचा अल्फोन्स सिम्बू मॅरेथॉन विजेता

मटा ऑनलाइन वृत्त । मुंबई

टांझानियाच्या अल्फोन्स सिम्बूने २ तास ९ मिनिटे आणि ३२ सेकंदात ४२ किलोमीटर्स अंतर पार करत यंदाची मुंबई मॅरेथॉन जिंकली. महिलांमध्ये केनियाची बोर्नेस किटुर पहिली आली आहे. ​ इथियोपिया आणि केनिया या देशांनी यंदाही विजेत्यांमध्ये स्थान पटकावले आहे.



चाल्तु ताफा हिने महिलांच्या मॅरेथॉनमध्ये दुसरे स्थान पटकावले आहे, तर इथिओपियाची टिजिस्ट गिर्मा तिसऱ्या स्थानावर आली आहे. ज्योती गावटे ही मॅरेथॉन पूर्ण करणारी पहिली भारतीय महिला ठरली आहे, तर पुरुष गटात खेता राम हा मॅरेथॉन पूर्ण करणारा पहिला भारतीय ठरला आहे.



मागील वर्षीचे आंतरराष्ट्रीय आणि भारतीय अशा दोन्ही गटातल्या विजेत्यांनी यंदाच्या मुंबई मॅरेथॉनमध्ये सहभाग घेतला नव्हता. मागील वर्षी केनियाचा गि़डोन किपकेटर पुरुषांमध्ये आणि शुको जिनेमो ही इथियोपियाची धावपटू महिलांमध्ये अव्वल होते. ललिता बाबर, ओ.पी. जैशा, सुधा सिंह आणि २ तास १५ मिनिटे ४८ सेकंदात फास्टेस्ट रन पूर्ण करणारा नितेंद्र सिंग रावत हे यंदा विविध कारणांमुळे मुंबई मॅरेथॉनमध्ये सहभागी झाले नव्हते.

मुख्य मॅरेथॉनचे विजेते असे आहेत : -

आंतरराष्ट्रीय पुरुष गट
प्रथम - अल्फोन्स सिम्बू (टान्झानिया)

आतरराष्ट्रीय महिला गट
प्रथम - बोर्नेस किटुर (केनिया)
दि्वतीय - टिजिस्ट गिर्मा (इथिओपिया)

भारतीय पुरुष गट
प्रथम - खेता राम
दि्वतीय - बहादूर
तृतीय - संजीथ

भारतीय महिला गट
प्रथम - ज्योती गावटे