मुख्यमंत्र्यांचा अपमान करणाऱ्या तरुणाला अटक; अमृता फडणवीसांनी केलं 'हे' ट्विट

मुंबईः मुख्यमंत्री उद्धव ठाकरे व पर्यावरणमंत्री आदित्य ठाकरे यांच्याविरोधात आक्षेपार्ह व अपमानास्पद भाषा वापरून ट्वीट करणाऱ्या समित ठक्करसाठी अमृता फडणवीस यांनी एक ट्विट केलं आहे.

सोशल मीडियाच्या माध्यमातून ठाकरे सरकारवर टीका करणारा समित ठक्करला पोलिसांना अटक केली असून आज त्याला नागपूर कोर्टात हजर राहण्याचे आदेश देण्यात आले आहेत. गेल्या काहि महिन्यांपासून महाविकास आघाडी आणि ठाकरे कुटुंबावर अक्षेपार्ह टिप्पणी समित करत असल्याचा आरोप शिवसैनिकांनी केला होता. त्यानंतर त्याच्यावर कारवाई करण्यात आली होती. समित ठक्करच्या कारवाईनंतर माजी मुख्यमंत्री देवेंद्र फडणवीस यांच्या पत्नी अमृता फडणवीस यांनी त्याची पाठराखण करत महाविकास आघाडीवर टीका केली होती.

दरम्यान, समित ठक्करवर अटकेची कारवाई केल्यानंतर अमृता फडणवीस यांनी ठाकरे सरकारवर टीका केली आहे. करोना आणि पेंग्विन महा सरकार ह दोन व्हायरस निष्पाप लोकांवर कधीही कुठे, कसे ग्रासतील हे सांगता येत. क्वारंटाइन होण्यापासून आपला बचाव करा. त्यासाठी सुरक्षित अंतर ठेवा आणि नियमित मास्क वापरा सुरक्षित राहा! गप्प बसा!, असं खोचक ट्विट त्यांनी केलं आहे.


मग सावरकरांना भारतरत्न का दिला नाही? शिवसेनेचा भाजपवर पलटवार

ट्विटरवर समित ठक्करचे फॉलोवर्स ६० हजारांच्यावर आहेत. विशेष म्हणजे, पंतप्रधान नरेंद्र मोदी यांच्यासह भाजपचे अनेक मोठे नेतेही त्याला फॉलो करत आहेत.