अमृता फडणवीसांनी अमित शहांना दिली 'ही' उपमा

मुंबई: केंद्रीय गृहमंत्री अमित शहा यांचा आज वाढदिवस असून त्यांच्यावर देशभरातून शुभेच्छांचा वर्षाव होत आहे. भाजपच्या नेत्यांनी सकाळपासून सोशल मीडियावर शहांचे अभिष्टचिंतन सुरू केले आहे. विरोधी पक्षनेते देवेंद्र फडणवीस यांच्या पत्नी अमृता यांनी देखील अमित शहा यांचा गुणगौरव करत त्यांना शुभेच्छा दिल्या आहेत. (Amruta Fadnavis wishes Amit Shah)

वाचा: खडसेंचा राजीनामा भाजपने फेटाळावा, कारण…

अमृता फडणवीस यांनी अमित शहा यांच्या सोबतचा एक कौटुंबिक फोटो शेअर करत ट्वीट केलं आहे. त्याद्वारे त्यांनी शहा यांचे अभिष्टचिंतन केलं आहे. वाढदिवसाच्या शुभेच्छा देताना अमृता यांनी अमित शहा यांचं वर्णन 'आधुनिक भारताचे चाणक्य' असं केलं आहे.
अमृता फडणवीस या सोशल मीडियावर बऱ्याच सक्रिय असतात. विरोधकांवर अत्यंत कठोर शब्दांत टीका करणाऱ्या पोस्ट त्या करत असतात. राज्यात महाविकास आघाडीचं सरकार आल्यापासून त्यांनी अनेकदा या सरकारच्या निर्णयांवर व मुख्यमंत्री उद्धव ठाकरे यांच्यावर थेट टीका केली आहे. पंतप्रधान नरेंद्र मोदी यांनाही काही दिवसांपूर्वी अमृता यांनी शुभेच्छा दिल्या होत्या. त्यावेळी त्यांनी मोदींना 'भारताचे पितामह' असं म्हटलं होतं. त्यावरून त्या प्रचंड ट्रोल झाल्या होत्या.

वाचा: मोदींच्या भाषणानंतर शिवसेनेनं उपस्थित केली 'ही' शंका

दरम्यान, देवेंद्र फडणवीस यांनीही शहा यांना शुभेच्छा दिल्या आहेत. 'आमचे नेते, प्रेरणास्थान, निर्णयकुशलतेचे नायक केंद्रीय गृहमंत्री अमितभाई शहा यांना वाढदिवसाच्या शुभेच्छा,' असं फडणवीस यांनी आपल्या ट्वीटमध्ये म्हटलं आहे.