म. टा. विशेष प्रतिनिधी, मुंबई : अंधेरी पूर्व विधानसभा मतदारसंघातील शिवसेना (उद्धव बाळासाहेब ठाकरे ) या पक्षाच्या उमेदवार ऋतुजा लटके यांच्या राजीनाम्यावरून गुरुवारी मुंबई उच्च न्यायालयाने महापलिका प्रशासनावर ताशेरे ओढत त्यांचा राजीनामा मंजूर करण्याचा आदेश दिल्याने लटके यांच्या उमेदवारीच्या मार्गातील मोठा अडथळा दूर झाला आहे. त्यामुळे आज, शुक्रवारी अर्ज दाखल करण्याच्या शेवटच्या दिवशी ऋतुजा लटके उमेदवारी अर्ज भरणार आहेत. यावेळी काँग्रेस आणि राष्ट्रवादी काँग्रेसचे नेते उपस्थित राहणार आहेत. भाजप-बाळासाहेबांची शिवसेना युतीचा उमेदवारही आज उमेदवारी अर्ज भरणार आहेत, असे बाळासाहेबांची शिवसेना पक्षाचे प्रवक्ते दीपक केसरकर यांनी सांगितले.
शिवसेनेचे आमदार रमेश लटके यांच्या निधनामुळे अंधेरी पूर्व विधानसभा मतदारसंघात ३ नोव्हेंबर रोजी पोटनिवडणूक होत आहे. या पोटनिवडणुकीसाठी शिवसेना (उद्धव बाळासाहेब ठाकरे ) पक्षाने रमेश लटके यांची पत्नी ऋतुजा लटके यांना उमेदवारी दिली आहे. उमेदवारी निश्चित झाल्याने ऋतुजा लटके यांनी मुंबई महापलिकेच्या सेवेचा राजीनामा दिला होता. मात्र मुंबई महापालिकेने त्यांचा राजीनामा मंजूर केला नव्हता. या संदर्भात ऋतुजा लटके यांनी मुंबई उच्च न्यायालयात धाव घेतल्यानंतर लटके यांचा राजीनामा मंजूर करण्याचे आदेश न्यायालयाने महापालिकेला दिले. न्यायालयाच्या या निर्णयानंतर शिवसेना नेते अनिल परब आणि ऋतुजा लटके यांनी मातोश्रीवर जाऊन पक्षप्रमुख उद्धव ठाकरे यांची भेट घेतली.
या भेटीनंतर परब यांनी ऋतुजा लटके शुक्रवारी अर्ज भरणार असल्याची माहिती दिली. अर्ज भरतेवेळी मुंबई काँग्रेसचे अध्यक्ष भाई जगताप, माजी मंत्री सुरेश शेट्टी तसेच, राष्ट्रवादीचे नेते उपस्थित राहणार असल्याचे त्यांनी सांगितले. आम्ही न्यायालयाच्या निर्णयाची माहिती उद्धव ठाकरे यांना दिली. त्यांनी ही पोटनिवडणूक जोरदारपणे लढण्यास सांगितले. आमचे आमदार रमेश लटके आम्हाला मध्येच सोडून गेल्याने ऋतुजा यांना या पोटनिवडणुकीत सहानुभूती मिळेल, असे परब म्हणाले.
उद्धव ठाकरेंचे डावपेच, केवळ अंधेरीत नव्हे तर 'मशाल' मुंबईतील घराघरांत पोहोचणार
पालिकेने हसे करून घेऊ नये...
मुंबई महानगरपालिका तोंडावर आपटणार आहे, असे मी सकाळीच म्हटले होते. मुंबई पालिका स्वायत्त आहे. त्यामुळे कोणाच्या दबावाला बळी पडून पालिकेने हसे करून घेऊन ये, असे आम्ही अगोदरच सांगितले होते. मुंबई उच्च न्यायालयाने तेच अधोरेखित केले आहे, अशी प्रतिक्रिया माजी महापौर किशोरी पेडणेकर यांनी दिली.
मोठी बातमी : रात्री उशिरा झालेल्या बैठकीत चित्र पालटलं; शिंदे गटाने अंधेरीची जागा सोडली?
आत्तापर्यंत तीन अर्ज
अंधेरी पोटनिवडणुकीसाठी गुरुवारपर्यंत एकूण ३ जणांनी अर्ज दाखल केले आहे. हिंदुस्थान जनता पार्टीचे राकेश विश्वनाथ अरोरा, अपक्ष म्हणून मिलिंद काशिनाथ कांबळे, अपक्ष म्हणून नीना गणपत खेडेकर यांनी आपली नामनिर्देशन पत्रे निवडणूक निर्णय अधिकारी यांच्याकडे दाखल केली.
शिवसेनेचे आमदार रमेश लटके यांच्या निधनामुळे अंधेरी पूर्व विधानसभा मतदारसंघात ३ नोव्हेंबर रोजी पोटनिवडणूक होत आहे. या पोटनिवडणुकीसाठी शिवसेना (उद्धव बाळासाहेब ठाकरे ) पक्षाने रमेश लटके यांची पत्नी ऋतुजा लटके यांना उमेदवारी दिली आहे. उमेदवारी निश्चित झाल्याने ऋतुजा लटके यांनी मुंबई महापलिकेच्या सेवेचा राजीनामा दिला होता. मात्र मुंबई महापालिकेने त्यांचा राजीनामा मंजूर केला नव्हता. या संदर्भात ऋतुजा लटके यांनी मुंबई उच्च न्यायालयात धाव घेतल्यानंतर लटके यांचा राजीनामा मंजूर करण्याचे आदेश न्यायालयाने महापालिकेला दिले. न्यायालयाच्या या निर्णयानंतर शिवसेना नेते अनिल परब आणि ऋतुजा लटके यांनी मातोश्रीवर जाऊन पक्षप्रमुख उद्धव ठाकरे यांची भेट घेतली.
या भेटीनंतर परब यांनी ऋतुजा लटके शुक्रवारी अर्ज भरणार असल्याची माहिती दिली. अर्ज भरतेवेळी मुंबई काँग्रेसचे अध्यक्ष भाई जगताप, माजी मंत्री सुरेश शेट्टी तसेच, राष्ट्रवादीचे नेते उपस्थित राहणार असल्याचे त्यांनी सांगितले. आम्ही न्यायालयाच्या निर्णयाची माहिती उद्धव ठाकरे यांना दिली. त्यांनी ही पोटनिवडणूक जोरदारपणे लढण्यास सांगितले. आमचे आमदार रमेश लटके आम्हाला मध्येच सोडून गेल्याने ऋतुजा यांना या पोटनिवडणुकीत सहानुभूती मिळेल, असे परब म्हणाले.
उद्धव ठाकरेंचे डावपेच, केवळ अंधेरीत नव्हे तर 'मशाल' मुंबईतील घराघरांत पोहोचणार
पालिकेने हसे करून घेऊ नये...
मुंबई महानगरपालिका तोंडावर आपटणार आहे, असे मी सकाळीच म्हटले होते. मुंबई पालिका स्वायत्त आहे. त्यामुळे कोणाच्या दबावाला बळी पडून पालिकेने हसे करून घेऊन ये, असे आम्ही अगोदरच सांगितले होते. मुंबई उच्च न्यायालयाने तेच अधोरेखित केले आहे, अशी प्रतिक्रिया माजी महापौर किशोरी पेडणेकर यांनी दिली.
मोठी बातमी : रात्री उशिरा झालेल्या बैठकीत चित्र पालटलं; शिंदे गटाने अंधेरीची जागा सोडली?
आत्तापर्यंत तीन अर्ज
अंधेरी पोटनिवडणुकीसाठी गुरुवारपर्यंत एकूण ३ जणांनी अर्ज दाखल केले आहे. हिंदुस्थान जनता पार्टीचे राकेश विश्वनाथ अरोरा, अपक्ष म्हणून मिलिंद काशिनाथ कांबळे, अपक्ष म्हणून नीना गणपत खेडेकर यांनी आपली नामनिर्देशन पत्रे निवडणूक निर्णय अधिकारी यांच्याकडे दाखल केली.