बॉसची झोप उडाली होती! Vedanta-Foxconn प्रकल्प गुजरातला गेल्यावर काय घडलं? वाचा इनसाईड स्टोरी

मुंबई: वेदांता-फॉक्सकॉनचा सेमीकंडक्टर निर्मिती प्रकल्प महाराष्ट्रातून गुजरातला गेला आहे. यासाठी जबाबदार कोण यावरून सध्या वादंग माजला आहे. मुख्यमंत्री एकनाथ शिंदे आणि भाजपचे नेते याचं खापर महाविकास आघाडी सरकारवर फोडत आहेत. तर विरोधकांनी यावरून सत्ताधाऱ्यांना लक्ष्य केलं आहे. वेदांता-फॉक्सकॉन प्रकल्प गुजरातला गेल्यावर, त्याची घोषणा होण्यापूर्वी नेमकं काय घडलं, याची माहिती समोर आली आहे.

तळेगावमध्ये सेमीकंडर निर्मिती प्रकल्प उभारला जाणार होता. मात्र हा प्रकल्प गुजरातला गेला. या प्रकल्पाची घोषणा पूर्ण होण्यापूर्वी वेदांताचे चेअरमन अनिल अग्रवाल अस्वस्थ होते. त्यांच्या मनात बरीच धाकधूक होती. अग्रवाल यांच्या जनसंपर्क व्यवस्थापक आस्था त्यागी यांनी सोशल मीडियाच्या माध्यमातून ही माहिती दिली आहे. त्यागी यांनी यासंदर्भात लिंक्डइनवर एक पोस्ट लिहिली आहे.
प्रमोशन देईना, ऑफिसमध्ये सतत अपमान; कर्मचारी संतापला, बॉसच्या संपूर्ण कुटुंबाला संपवलं
आस्था त्यागी यांनी अनिल अग्रवाल आणि केंद्रीय माहिती आणि तंत्रज्ञान मंत्री अश्विनी वैष्णव यांचा एक फोटो शेअर केला आहे. 'सेमीकंडक्टर प्रकल्पाची घोषणा करण्यापूर्वी माझे बॉस अनिल अग्रवाल सर आणि केंद्रीय मंत्री अश्विनी वैष्णव यांचा हा कँडिड फोटो क्लिक केला. सरांच्या मनात अस्वस्थता आणि धाकधूक होती. त्यामुळे त्यांना विमानात फारशी झोपच लागली नाही,' असं आस्था त्यागी यांनी पोस्टमध्ये नमूद केलं आहे.

या क्षणाचा साक्षीदार होण्याचं, त्याचा एक भाग होण्याचं भाग्य मिळालं याचा आनंद आहे. आता भारतात सेमीकंडक्टर्सची निर्मिती सुरू होईल. त्यामुळे इलेक्ट्रॉनिक उपकरणं स्वस्तात उपलब्ध होतील. याशिवाय रोजगाराच्या मोठ्या संधीही निर्माण होतील, अशा भावना आस्था त्यागी यांनी पोस्टमधून व्यक्त केल्या आहेत.
शेत विकून रिक्षा घेतली; दीड महिन्यांत २२ हजारांचं चलान; चालकानं टोकाचं पाऊल उचललं
वेदांता समूहानं मंगळवारी सेमीकंडक्टर निर्मिती प्रकल्पाची घोषणा केली. यासाठी समूहानं गुजरात सरकारसोबत दोन सामंजस्य करार केले आहेत. वेदांता समूह अहमदाबादमध्ये सेमीकंडक्टर फॅब युनिट, डिस्प्ले फॅब युनिट आणि सेमीकंडक्टर ऍसेब्लिंग आणि टेस्टिंग युनिटची उभारणी करणार आहे. यासाठी कंपनी १,५४,००० कोटींची गुंतवणूक करणार असून त्यामुळे जवळपास १ लाख रोजगार तयार होतील.