योगीजी, 'फिल्म सिटी'ऐवजी क्लिन सिटी करा; अनिल देशमुखांनी टोचले कान

मुंबईः उत्तर प्रदेशमधील हाथसरमध्ये घडलेल्या घटनेनं देशात तीव्र प्रतिक्रिया उमटत आहे. या घटनेमुळं योगी सरकारला नागरिकांच्या रोषाला सामोरे जावं लागतं आहे. उत्तर प्रदेशातील कायदा व सुव्यवस्थेवर प्रश्नचिन्ह उपस्थित केले जात आहेत. राज्याचे गृहमंत्री अनिल देशमुख यांनीही या घटनेवर प्रतिक्रिया दिली आहे.

१९ वर्षांच्या पीडित दलित मुलीवर १४ सप्टेंबर रोजी उत्तर प्रदेशच्या हाथरसमध्ये चार हैवानांनी क्रूरपणे अत्याचार केले होते. आपलं कृत्य लपवण्यासाठी आणि मुलीनं काही बोलू नये यासाठी त्यांनी सामूहिक बलात्कारानंतर जीभ कापली होती, तसंच पाठीचा कणाही मोडला होता. ग्णालयात दाखल केल्यानंतर ही मुलगी तब्बल नऊ दिवस बेशुद्धावस्थेतच होती. गेले १५ दिवस ती मृत्यूशी झुंजच देत होती अखेर तिची ही लढाई अर्धवट राहिली. या घटनेवरून देशभरात तीव्र संताप व्यक्त होत आहे. अनिल देशमुख यांनीही ट्विट करत श्रद्धांजली वाहिली आहे.

फडणवीस यांच्यावर मोठी जबाबदारी; बिहार निवडणूक प्रभारी म्हणून नियुक्ती

'उत्तर प्रदेशमधील हाथरसमध्ये सामूहिक बलात्कार प्रकरणातील पीडितेचा दुर्देवी मृत्यू झाला. त्यांना भावपूर्ण श्रद्धांजली. मुख्यमंत्री योगी आदित्यनाथ यांनी गुन्हेगारांना शासन करावं. पण, फिल्म सिटीऐवजी गुंडापासून क्लिन सीटीवर आपण भर दिलात तर माता भगिनींसाठी अधिक उपयुक्त ठरेल. युपीच्या निर्भयाला न्याय द्या,' अशी मागणी अनिल देशमुख यांनी केली आहे.


उत्तर प्रदेशमध्ये राष्ट्रपती राजवट लागू करा; काँग्रेसची मागणी

दरम्यान, उत्तर प्रदेशात भव्य अशी फिल्मसीटी तयार करण्याची योजना आखली जात असून खुद्द उत्तर प्रदेशचे मुख्यमंत्री योगी आदित्यनाथ यांनी नुकतीच त्याची घोषणा केली. नोएडा, ग्रेटर नोएडा अथवा यमुना एक्स्प्रेस वे या तीन ठिकाणांपैकी एका ठिकाणी फिल्मसीटी उभारण्याबाबत सर्वंकष अशी योजना तयार करण्याचे आदेश उत्तर प्रदेशचे मुख्यमंत्री योगी आदित्यनाथ यांनी दिले आहेत. देशाला एका चांगल्या फिल्मसीटीची गरज असून उत्तर प्रदेश याची जवाबदारी घ्यायला तयार आहे. लवकरच आम्ही एक चांगली फिल्मसीटी तयार करू, असे त्यांनी म्हटले आहे.

न्याय मागण्यासाठी एखादी नटीच हवी का? हाथरस प्रकरणावर संजय राऊतांचा संताप