मुंबई: राज्याचे परिवहनमंत्री अनिल परब यांनी भाजप नेते किरिट सोमय्या यांच्याविरोधात मुंबई हायकोर्टात अब्रुनुकसानीचा दावा दाखल केला आहे. परब यांनी या दाव्यात शंभर कोटी रुपयांच्या भरपाईची मागणी केली आहे. ( Anil Parab Vs Kirit Somaiya Latest News ) वाचा: किरीट सोमय्यांवरील कारवाई नक्की कुणाच्या आदेशाने?; वळसे म्हणाले...
किरीट सोमय्या यांच्याकडून अनिल परब यांना सातत्याने लक्ष्य करण्यात येत आहे. अनिल देशमुख प्रकरणात परब यांचाही सहभाग असल्याचा दावा करत सोमय्या यांनी परब यांच्यावर थेट आरोप केले आहेत. याशिवाय परब यांचे दापोलीतील हॉटेल तसेच परिवहन विभागातील बदल्यांच्या प्रकरणावरूनही सोमय्या यांनी गंभीर आरोप केले आहेत. त्यामुळेच परब यांनी सोमय्या यांना नोटीस पाठवली होती व आरोप मागे घेऊन ७२ तासांत माफी न मागितल्यास तुमच्याविरुद्ध १०० कोटींचा अब्रुनुकसानीचा दावा दाखल करेन, असा इशारा दिला होता. या मुदतीत सोमय्या यांनी माफी न मागितल्याने अखेर परब यांनी त्यांच्याविरुद्ध मुंबई हायकोर्टात आज अब्रुनुकसानीचा दावा दाखल केला आहे.
वाचा: राज्यपालांच्या पत्राला मुख्यमंत्री ठाकरेंनी दिलेल्या उत्तराची देशभर चर्चा; असं काय आहे पत्रात?
अनिल परब यांनी दावा दाखल केल्यानंतर एक ट्वीट केले असून त्यात तपशील दिला आहे. 'किरीट सोमय्या यांनी माझी बदनामी व मानहानी केल्याबद्दल मी त्यांना कायदेशीर नोटीस देऊन ७२ तासांत माफी मागण्याचे सूचित केले होते. परंतु त्यांनी माफी मागितली नसल्याने मी आज किरीट सोमय्या यांच्या विरोधात उच्च न्यायालयात १०० कोटी रुपयांचा अब्रूनुकसानीचा दावा दाखल केला आहे', असे परब यांनी ट्वीटमध्ये नमूद केले आहे.
दरम्यान, अनिल परब यांच्या दाव्याला आपण भीक घालत नाही, अशी प्रतिक्रिया परब यांची नोटीस मिळाल्यानंतर किरीट सोमय्या यांनी दिली होती. त्याचवेळी शिवसेना, राष्ट्रवादीसह काँग्रेसच्या मंत्र्यांचे घोटाळेही उघड करण्याचा इशारा सोमय्या यांनी दिला होता.
वाचा: मुंबईतील 'त्या' इमारतींच्या गेटवर क्यूआर कोड?; आदित्य ठाकरेंची महत्त्वाची सूचना
किरीट सोमय्या यांच्याकडून अनिल परब यांना सातत्याने लक्ष्य करण्यात येत आहे. अनिल देशमुख प्रकरणात परब यांचाही सहभाग असल्याचा दावा करत सोमय्या यांनी परब यांच्यावर थेट आरोप केले आहेत. याशिवाय परब यांचे दापोलीतील हॉटेल तसेच परिवहन विभागातील बदल्यांच्या प्रकरणावरूनही सोमय्या यांनी गंभीर आरोप केले आहेत. त्यामुळेच परब यांनी सोमय्या यांना नोटीस पाठवली होती व आरोप मागे घेऊन ७२ तासांत माफी न मागितल्यास तुमच्याविरुद्ध १०० कोटींचा अब्रुनुकसानीचा दावा दाखल करेन, असा इशारा दिला होता. या मुदतीत सोमय्या यांनी माफी न मागितल्याने अखेर परब यांनी त्यांच्याविरुद्ध मुंबई हायकोर्टात आज अब्रुनुकसानीचा दावा दाखल केला आहे.
वाचा: राज्यपालांच्या पत्राला मुख्यमंत्री ठाकरेंनी दिलेल्या उत्तराची देशभर चर्चा; असं काय आहे पत्रात?
अनिल परब यांनी दावा दाखल केल्यानंतर एक ट्वीट केले असून त्यात तपशील दिला आहे. 'किरीट सोमय्या यांनी माझी बदनामी व मानहानी केल्याबद्दल मी त्यांना कायदेशीर नोटीस देऊन ७२ तासांत माफी मागण्याचे सूचित केले होते. परंतु त्यांनी माफी मागितली नसल्याने मी आज किरीट सोमय्या यांच्या विरोधात उच्च न्यायालयात १०० कोटी रुपयांचा अब्रूनुकसानीचा दावा दाखल केला आहे', असे परब यांनी ट्वीटमध्ये नमूद केले आहे.
दरम्यान, अनिल परब यांच्या दाव्याला आपण भीक घालत नाही, अशी प्रतिक्रिया परब यांची नोटीस मिळाल्यानंतर किरीट सोमय्या यांनी दिली होती. त्याचवेळी शिवसेना, राष्ट्रवादीसह काँग्रेसच्या मंत्र्यांचे घोटाळेही उघड करण्याचा इशारा सोमय्या यांनी दिला होता.
वाचा: मुंबईतील 'त्या' इमारतींच्या गेटवर क्यूआर कोड?; आदित्य ठाकरेंची महत्त्वाची सूचना