मुंबई : साक्षरतेच्या क्षेत्रात उल्लेखनीय कार्य करणाऱ्या व्यक्ती अथवा स्वयंसेवी संस्थांना देण्यात येणारा रोटरी गोपाल कमला राजभंडारी पुरस्कार २०२०ची नुकतीच घोषणा करण्यात आली आहे. सार्क संघटनेचे सदस्य असलेल्या भारत, पाकिस्तान, बांग्लादेश, भूतान, नेपाळ, श्रीलंका आणि मालदिव या देशांतील रोटरीचे सदस्य नसलेल्या व्यक्ती या पुरस्कारासाठी अर्ज करू शकतात. साक्षरतेच्या क्षेत्रात निस्वार्थीपणे कार्य करणाऱ्या व्यक्तींची निवड ऑनलाइन पद्धतीने केली जाणार आहे. अंतिम विजेत्यांची निवड आंतरराष्ट्रीय परिक्षक करणार आहेत. इच्छुक व्यक्ती अथवा संस्था http://rotarysaarcgopalkamala-humanityaward.com.np या वेबसाइटवर जाऊन २३ मार्चपर्यत अर्ज पाठवू शकता. पुरस्काराचे स्वरूप १० लाख ८० हजार रूपये आणि मानपत्र असे आहे. हा पुरस्कार सोहळा शनिवार, १६ मे रोजी काठमांडू येथे होईल अशी माहिती डॉ. बाळ इनामदार यांनी दिली.
राजभंडारी मानवता पुरस्काराची घोषणा
साक्षरतेच्या क्षेत्रात उल्लेखनीय कार्य करणाऱ्या व्यक्ती अथवा स्वयंसेवी संस्थांना देण्यात येणारा रोटरी गोपाल कमला राजभंडारी पुरस्कार २०२०ची नुकतीच ...
महाराष्ट्र टाइम्स.कॉम 8 Mar 2020, 4:00 am