मुंबई: मुंबई अग्निशमन दल करोनाच्या विळख्यात सापडलं आहे. गुरुवारी अग्निशमन दलातील आणखी एका जवानाचा करोना संसर्गामुळे मृत्यू झाला. हा जवान पश्चिम उपनगरातील गोरेगाव अग्निशमन केंद्रात ड्रायव्हर-ऑपरेटर पदावर काम करत होता. दरम्यान, मुंबई अग्निशमन दलाने करोनामुळे आतापर्यंत दोन जवान गमावले असून गेल्या आठवड्यात गवालिया टँक अग्निशमन केंद्रातील जवानाचा करोनामुळे मृत्यू झाला होता.
आतापर्यंत मुंबई अग्निशमन दलातील एकूण ४१ कर्मचाऱ्यांना करोनाची लागण झाली असून त्यातील २२ जणांना रुग्णालयात दाखल करण्यात आले आहे. यापैकी चार जण अतिदक्षता विभागात उपचार घेत आहेत. तीन जण बरे होऊन घरी परतले आहेत. तर १४ जणांचे त्यांच्या घरात विलगीकरण करण्यात आले आहे. आतापर्यंत दोन कर्मचाऱ्यांचा करोनाने मृत्यू झाला.
मुंबईत चोवीस तासांत ३८ करोनाबाधित दगावले; १४३८ नव्या रुग्णांची भर
गोरेगाव अग्निशमन केंद्रात ड्रायव्हर-ऑपरेटर पदावर सेवेत असलेले रफिक शहाबुद्दीन शेख (५७) यांचा गुरुवारी करोनामुळे मृत्यू झाला. विरार येथील रुग्णालयात त्यांच्यावर उपचार सुरू होते. तिथेच त्यांची प्राणज्योत मालवली. त्यांच्या पश्चात पत्नी व मुलगी असा परिवार आहे. याआधी ५८ वर्षीय उमेश गोंगा या अग्निशमन जवानाचा २४ मे रोजी करोनाने मृत्यू झाला होता.
दरम्यान, राज्याची राजधानी मुंबईत करोना साथीने थैमान घातले आहे. मुंबईतील करोना बाधित रुग्णांचा आकडा गुरुवारी ३५ हजारपार गेला आहे. या साथीशी लढा देत असताना मुंबई महापालिका आरोग्य यंत्रणेसोबतच बाकी यंत्रणाही अहोरात्र सेवा देत आहेत. त्यात मुंबईचं पोलीस दल, अग्निशमन दल तसेच अन्य अत्यावश्यक सेवांमध्ये काम करणाऱ्या कर्मचाऱ्यांचा समावेश आहे. या सर्वांचा प्रत्यक्ष रुग्णसेवेत सहभाग नसला तरी विविध सेवांच्या माध्यमातून हे सर्वजण मुंबईकरांसाठी आपलं आरोग्य धोक्यात घालून दररोज घराबाहेर पडत आहेत. त्यातूनच अनेक पोलीस, अग्निशमन जवान, पालिका कर्मचारी करोनाच्या विळख्यात सापडले आहेत.
अबू आझमींच्या आंदोलनानंतर महिला वरिष्ठ पोलिस निरिक्षकाची बदली
आतापर्यंत मुंबई अग्निशमन दलातील एकूण ४१ कर्मचाऱ्यांना करोनाची लागण झाली असून त्यातील २२ जणांना रुग्णालयात दाखल करण्यात आले आहे. यापैकी चार जण अतिदक्षता विभागात उपचार घेत आहेत. तीन जण बरे होऊन घरी परतले आहेत. तर १४ जणांचे त्यांच्या घरात विलगीकरण करण्यात आले आहे. आतापर्यंत दोन कर्मचाऱ्यांचा करोनाने मृत्यू झाला.
मुंबईत चोवीस तासांत ३८ करोनाबाधित दगावले; १४३८ नव्या रुग्णांची भर
गोरेगाव अग्निशमन केंद्रात ड्रायव्हर-ऑपरेटर पदावर सेवेत असलेले रफिक शहाबुद्दीन शेख (५७) यांचा गुरुवारी करोनामुळे मृत्यू झाला. विरार येथील रुग्णालयात त्यांच्यावर उपचार सुरू होते. तिथेच त्यांची प्राणज्योत मालवली. त्यांच्या पश्चात पत्नी व मुलगी असा परिवार आहे. याआधी ५८ वर्षीय उमेश गोंगा या अग्निशमन जवानाचा २४ मे रोजी करोनाने मृत्यू झाला होता.
दरम्यान, राज्याची राजधानी मुंबईत करोना साथीने थैमान घातले आहे. मुंबईतील करोना बाधित रुग्णांचा आकडा गुरुवारी ३५ हजारपार गेला आहे. या साथीशी लढा देत असताना मुंबई महापालिका आरोग्य यंत्रणेसोबतच बाकी यंत्रणाही अहोरात्र सेवा देत आहेत. त्यात मुंबईचं पोलीस दल, अग्निशमन दल तसेच अन्य अत्यावश्यक सेवांमध्ये काम करणाऱ्या कर्मचाऱ्यांचा समावेश आहे. या सर्वांचा प्रत्यक्ष रुग्णसेवेत सहभाग नसला तरी विविध सेवांच्या माध्यमातून हे सर्वजण मुंबईकरांसाठी आपलं आरोग्य धोक्यात घालून दररोज घराबाहेर पडत आहेत. त्यातूनच अनेक पोलीस, अग्निशमन जवान, पालिका कर्मचारी करोनाच्या विळख्यात सापडले आहेत.
अबू आझमींच्या आंदोलनानंतर महिला वरिष्ठ पोलिस निरिक्षकाची बदली