म. टा. प्रतिनिधी, मुंबई
राज्य सरकारने पाच सनदी अधिकाऱ्यांच्या बदल्या केल्या असून, मुंबई शहर जिल्हाधिकारी म्हणून संपदा मेहता यांची नियुक्ती करण्यात आली आहे. कल्याण-डोंबिवली महापालिकेचे आयुक्त ई. रवींद्रन यांची बदली कमी महत्त्वाच्या नवी मुंबईच्या कौशल्य विकास आणि रोजगार आयुक्तपदावर करण्यात आली आहे.
मुंबई जिल्हाधिकारी पदावर असणाऱ्या अश्विनी जोशी यांची गेल्या महिन्यातच मुंबई उत्पादन शुल्क आयुक्त म्हणून नियुक्ती झाली होती. मात्र जिल्हाधिकारीपदाचा कार्यभार जोशी यांच्याकडेच होता. आता तो मेहता यांच्याकडे सुपूर्द केला जाईल.
नाशिक जिल्ह्यातील कळवण एकात्मिक आदिवासी विकासचे प्रकल्प अधिकारी व सहाय्यक जिल्हाधिकारी गंगाधरन डी. यांची नेमणूक धुळे जिल्हा परिषदेचे मुख्य कार्यकारी अधिकारीपदावर करण्यात आली आहे. धुळे जिल्हा परिषदेचे मुख्य कार्यकारी अधिकारी ओमप्रकाश देशमुख यांची बदली अकोल्याला महाराष्ट्र राज्य बियाणे महामंडळाचे व्यवस्थापकीय संचालक म्हणून करण्यात आली, तर ओमप्रकाश बकोरिया यांची बदली औरंगाबादला महावितरणच्या सहव्यवस्थापकीय संचालक पदावर करण्यात आल्याचे सरकारतर्फे सांगण्यात आले.
राज्य सरकारने पाच सनदी अधिकाऱ्यांच्या बदल्या केल्या असून, मुंबई शहर जिल्हाधिकारी म्हणून संपदा मेहता यांची नियुक्ती करण्यात आली आहे. कल्याण-डोंबिवली महापालिकेचे आयुक्त ई. रवींद्रन यांची बदली कमी महत्त्वाच्या नवी मुंबईच्या कौशल्य विकास आणि रोजगार आयुक्तपदावर करण्यात आली आहे.
मुंबई जिल्हाधिकारी पदावर असणाऱ्या अश्विनी जोशी यांची गेल्या महिन्यातच मुंबई उत्पादन शुल्क आयुक्त म्हणून नियुक्ती झाली होती. मात्र जिल्हाधिकारीपदाचा कार्यभार जोशी यांच्याकडेच होता. आता तो मेहता यांच्याकडे सुपूर्द केला जाईल.
नाशिक जिल्ह्यातील कळवण एकात्मिक आदिवासी विकासचे प्रकल्प अधिकारी व सहाय्यक जिल्हाधिकारी गंगाधरन डी. यांची नेमणूक धुळे जिल्हा परिषदेचे मुख्य कार्यकारी अधिकारीपदावर करण्यात आली आहे. धुळे जिल्हा परिषदेचे मुख्य कार्यकारी अधिकारी ओमप्रकाश देशमुख यांची बदली अकोल्याला महाराष्ट्र राज्य बियाणे महामंडळाचे व्यवस्थापकीय संचालक म्हणून करण्यात आली, तर ओमप्रकाश बकोरिया यांची बदली औरंगाबादला महावितरणच्या सहव्यवस्थापकीय संचालक पदावर करण्यात आल्याचे सरकारतर्फे सांगण्यात आले.