चारच दिवसांपूर्वी म्हटले होते आयुष्यभर शिवसेनेत राहील; आज अर्जुन खोतकर शिंदे गटात सामील

मुंबईः जालन्याचे माजी आमदार अर्जुन खोतकर यांनी आज दिल्लीत मुख्यमंत्री एकनाथ शिंदे यांना आपला पाठिंबा जाहीर केला. शिवसेनाप्रमुख बाळासाहेब ठाकरे यांचे विचार आणि स्वर्गीय धर्मवीर आनंद दिघे यांची शिकवण अंगिकारून एकनाथ शिंदे यांनी आपली वाटचाल सुरू केली आहे. त्यामुळे त्यांचे हात भक्कम करण्यासाठी त्यांच्या नेतृत्वाखाली तयार झालेल्या शिवसेना-भाजप युती सरकारला पाठींबा देत असल्याचे खोतकर यांनी जाहीर केले.

मुख्यमंत्री एकनाथ शिंदे, केंद्रीय रेल्वे राज्यमंत्री रावसाहेब दानवे, खासदार राहुल शेवाळे, खासदार रोहिदास लोखंडे, खासदार हेमंत पाटील, खासदार प्रतापराव जाधव, खासदार धैर्यशील माने, खासदार कृपाल तुमाने आणि माजी मंत्री सदाभाऊ खोत हे यावेळी उपस्थित होते.

शिवसेना उपनेते अर्जुन खोतकर शिंदे गटात सामील होणार का?; स्वत: खोतकरांनी केले स्पष्ट

खासदार प्रतापराव जाधव यांची बुलडाणा जिल्हा संपर्कप्रमुख पदी पुनर्नियुक्ती

५० आमदारांनंतर मुख्यमंत्री एकनाथ शिंदे यांना शिवसेनेच्या १२ खासदारांनी देखील जाहीर पाठींबा देऊन संसदेतील आपला गटनेता बदलला होता. यानंतर खासदारांवर देखील पक्षाकडून कारवाई करण्यात आली. पक्षविरोधी कारवाई केल्याचा ठपका ठेवत खासदार प्रतापराव जाधव यांची नुकतीच बुलडाणा जिल्हा संपर्कप्रमुख पदावरून हकालपट्टी करण्यात आली होती. पण आता हा निर्णय मुख्यमंत्री एकनाथ शिंदे यांनी धुडकावून लावला आहे. खासदार प्रतापराव जाधव यांची आज पुन्हा एकदा बुलडाणा जिल्हा संपर्कप्रमुखपदी पुनर्नियुक्ती करत असल्याचे मुख्यमंत्री एकनाथ शिंदे यांनी जाहीर केले आहे.

Jalna news: जालन्यात 'गँगवॉर', काठ्या,कुदळ, लोखंडी सळ्यांनी हाणामारी; पोलिसांकडून हवेत फायरिंग