मुंबई
कमी वेळेत प्रभावी संदेश देणारे लघुपट पाहण्याचा ट्रेंण्ड सध्या वाढतो आहे. दोन-तीन तासांचे लांबलचक चित्रपट पाहण्यापेक्षा ‘शॉर्ट अँड स्वीट’ लघुपट पाहणे अनेकजण पसंत करत आहेत. आपल्याकडे सध्या अनेक आशयघन लघुपटांची निर्मिती होत असून, ते आंतरराष्ट्रीय पातळीवरही गौरवले जात आहेत. अशा लघुपटांच्या दिग्दर्शनाची जबाबदारी पेलणाऱ्या अनेक तरुण दिग्दर्शकांपैकी एक आहे अर्जुन मोगरे. त्याचा ‘प्रदोष’ हा लघुपट सध्या राष्ट्रीय तसेच आंतरराष्ट्रीय व्यासपीठावर गाजतो आहे.
अर्जुनने दिग्दर्शित केलेल्या ‘प्रदोष’ला नुकताच ‘संस्कृती कलादर्पण’चा उत्कृष्ट लघुपट पुरस्काराचा बहुमान मिळाला. वॉशिंग्टन डी.सी. येथे पार पडलेल्या वॉशिंग्टन फिल्म फेस्टिव्हलमध्येही ‘प्रदोष’ चांगलाच गाजला. तेथेही या लघुपटाला ‘बेस्ट शॉर्ट फिल्म’ पुरस्काराने गौरवण्यात आले. फ्रान्समधील क्लेमो फेरो या फेस्टिव्हलमध्येही अर्जुनच्या या लघुपटाचा विशेष उल्लेख करण्यात आला. जयपूर फिल्म फेस्टिव्हलमध्येही ‘प्रदोष’ दाखवण्यात आला. ‘प्रदोष’चे यशस्वी दिग्दर्शन करण्याबरोबरच अर्जुनने बॉलविूडपट ‘फॅशन’ आणि मराठी चित्रपट ‘रमा माधव’साठी सहाय्यक दिग्दर्शकाची धुरा सांभाळली आहे.
लघुपटांच्या दिग्दर्शनाची जबाबदारी पेलणाऱ्या अनेक तरुण दिग्दर्शकांपैकी एक असलेल्या अर्जुन मोगरे याने ‘प्रदोष’ लघुपटाबरबेरच यूट्यूबवर लाखो हिट मिळालेल्या ‘ब्लेझिंग बाजीराव या वेब सीरिजचे लेखनही केले आहे. अनेक प्रभावी जाहिराती बनवण्यातही अर्जुनचा हातखंडा आहे.
सध्या तो मुंबई विद्यापीठातील विद्यार्थ्यांना फिल्म रायटिंग या विषयावर धडे देत असून, चित्रनगरीतील ‘विसलिंग वूड्स येथे एडिटिंग हा विषय शिकवत आहे. अर्जुनने ‘विसलिंग वूड्स’साठी २४० तासांचा व्हर्च्युअल अभ्यासक्रमही बनवला आहे. ‘मला लहानपणापसूनच अॅनिमेशनची प्रचंड आवड होती. पुढे यामध्येच करिअर करण्याचे निश्चित केले. त्या दिशेने एक-एक पाऊल पुढे टाकत गेलो, असे अर्जुनने ‘मटा’शी बोलताना सांगितले.
ओबामा फाऊंडेशनच्या जहिरातीचेही कौतुक
अमेरिकेचे माजी राष्ट्रध्यक्ष बराक ओबामा यांच्या आजी म्हणजेच ममा सारा ओबामा या आपल्या नावाने एक फाऊंडेशन चालवतात. या फाऊंडेशनसाठी प्रभावी जाहिरात बनवण्याचे काम अर्जुन मोगरेने केले होते. या जाहिरातीचेही खूप कौतुक झाले आहे.
कमी वेळेत प्रभावी संदेश देणारे लघुपट पाहण्याचा ट्रेंण्ड सध्या वाढतो आहे. दोन-तीन तासांचे लांबलचक चित्रपट पाहण्यापेक्षा ‘शॉर्ट अँड स्वीट’ लघुपट पाहणे अनेकजण पसंत करत आहेत. आपल्याकडे सध्या अनेक आशयघन लघुपटांची निर्मिती होत असून, ते आंतरराष्ट्रीय पातळीवरही गौरवले जात आहेत. अशा लघुपटांच्या दिग्दर्शनाची जबाबदारी पेलणाऱ्या अनेक तरुण दिग्दर्शकांपैकी एक आहे अर्जुन मोगरे. त्याचा ‘प्रदोष’ हा लघुपट सध्या राष्ट्रीय तसेच आंतरराष्ट्रीय व्यासपीठावर गाजतो आहे.
अर्जुनने दिग्दर्शित केलेल्या ‘प्रदोष’ला नुकताच ‘संस्कृती कलादर्पण’चा उत्कृष्ट लघुपट पुरस्काराचा बहुमान मिळाला. वॉशिंग्टन डी.सी. येथे पार पडलेल्या वॉशिंग्टन फिल्म फेस्टिव्हलमध्येही ‘प्रदोष’ चांगलाच गाजला. तेथेही या लघुपटाला ‘बेस्ट शॉर्ट फिल्म’ पुरस्काराने गौरवण्यात आले. फ्रान्समधील क्लेमो फेरो या फेस्टिव्हलमध्येही अर्जुनच्या या लघुपटाचा विशेष उल्लेख करण्यात आला. जयपूर फिल्म फेस्टिव्हलमध्येही ‘प्रदोष’ दाखवण्यात आला. ‘प्रदोष’चे यशस्वी दिग्दर्शन करण्याबरोबरच अर्जुनने बॉलविूडपट ‘फॅशन’ आणि मराठी चित्रपट ‘रमा माधव’साठी सहाय्यक दिग्दर्शकाची धुरा सांभाळली आहे.
लघुपटांच्या दिग्दर्शनाची जबाबदारी पेलणाऱ्या अनेक तरुण दिग्दर्शकांपैकी एक असलेल्या अर्जुन मोगरे याने ‘प्रदोष’ लघुपटाबरबेरच यूट्यूबवर लाखो हिट मिळालेल्या ‘ब्लेझिंग बाजीराव या वेब सीरिजचे लेखनही केले आहे. अनेक प्रभावी जाहिराती बनवण्यातही अर्जुनचा हातखंडा आहे.
सध्या तो मुंबई विद्यापीठातील विद्यार्थ्यांना फिल्म रायटिंग या विषयावर धडे देत असून, चित्रनगरीतील ‘विसलिंग वूड्स येथे एडिटिंग हा विषय शिकवत आहे. अर्जुनने ‘विसलिंग वूड्स’साठी २४० तासांचा व्हर्च्युअल अभ्यासक्रमही बनवला आहे. ‘मला लहानपणापसूनच अॅनिमेशनची प्रचंड आवड होती. पुढे यामध्येच करिअर करण्याचे निश्चित केले. त्या दिशेने एक-एक पाऊल पुढे टाकत गेलो, असे अर्जुनने ‘मटा’शी बोलताना सांगितले.
ओबामा फाऊंडेशनच्या जहिरातीचेही कौतुक
अमेरिकेचे माजी राष्ट्रध्यक्ष बराक ओबामा यांच्या आजी म्हणजेच ममा सारा ओबामा या आपल्या नावाने एक फाऊंडेशन चालवतात. या फाऊंडेशनसाठी प्रभावी जाहिरात बनवण्याचे काम अर्जुन मोगरेने केले होते. या जाहिरातीचेही खूप कौतुक झाले आहे.