म. टा. विशेष प्रतिनिधी, मुंबई
राज्याचे सार्वजनिक बांधकाममंत्री अशोक चव्हाण यांची सरकारच्या कार्यपद्धतीविषयीची नाराजी कायम असून, आता त्यांच्याच विभागातील अधिकारी त्यांना डावलून परस्पर प्रस्ताव तयार करीत असल्याचा आक्षेप त्यांनी घेतला आहे. याविषयी चव्हाण यांनी मुख्यमंत्री उद्धव ठाकरे यांच्याशी संपर्क साधत नाराजी कळविल्याचे समजते. चव्हाण यांच्या निकटवर्तीयांनी या नाराजीबाबत दुजोरा दिलेला असला तरी काँग्रेस प्रदेशाध्यक्ष आणि महसूलमंत्री बाळासाहेब थोरात यांनी मात्र नाराजीचे हे वृत फेटाळले आहे. 'महाविकास आघाडीतील पक्षांनी एकमेकांची काळजी घेतल्यास आघाडी भक्कम होईल', असे म्हणत थोरात यांनी या वादावर पडदा टाकण्याचा प्रयत्न केला.
वरिष्ठ अधिकाऱ्यांनी सार्वजनिक बांधकाम खात्याच्या विभाजनाचा एक प्रस्ताव तयार केला असून, त्याबाबत सार्वजनिक बांधकाममंत्री अशोक चव्हाण यांना मात्र काहीच कळविण्यात आलेले नाही. त्यामुळे अशोक चव्हाण नाराज झाले असून, त्यांनी गुरुवारच्या मंत्रिमंडळ बैठकीतही याबाबत नाराजी बोलून दाखवल्याचे समजते. मंत्र्यांना न विचारता अधिकारी परस्पर प्रस्ताव तयार करीत असल्याची ही तक्रार त्यांनी थेट मुख्यमंत्री उद्धव ठाकरे यांनाच फोन करून बोलून दाखवल्याचे समजते. अशोक चव्हाण व माजी मुख्य सचिव अजय मेहता यांचे फारसे सख्य नव्हते. सार्वजनिक बांधकाम खात्यातील एका महत्त्वाच्या निर्णयावरून या दोघांमध्ये तीव्र मतभेद झाल्याची चर्चा राजकीय वर्तुळात होती. चव्हाण यांच्या खात्यातील अधिकारीही त्यांच्या मनासारखे दिले गेले नसल्याने चव्हाण यांच्या नाराजीत भर पडली असल्याचे त्यांच्या निकटवर्तीयांचे म्हणणे आहे.
'निर्णय एकमताने होईल'
काँग्रेस प्रदेशाध्यक्ष थोरात यांच्याशी संपर्क साधला असता त्यांनी, 'कोणी तरी नाराजीची बातमी पेरली असावी', असे सांगितले. 'मी अशोक चव्हाण यांना भेटलो. यामध्ये काहीही नवीन नाही. आमच्या भेटी होतच असतात. तसेच सार्वजनिक बांधकाम विभागाच्या विभाजनचा निर्णय घ्यायचाच असल्यास तो एकमताने घेतला जाईल', असेही बाळासाहेब थोरात यांनी स्पष्ट केले.
राज्याचे सार्वजनिक बांधकाममंत्री अशोक चव्हाण यांची सरकारच्या कार्यपद्धतीविषयीची नाराजी कायम असून, आता त्यांच्याच विभागातील अधिकारी त्यांना डावलून परस्पर प्रस्ताव तयार करीत असल्याचा आक्षेप त्यांनी घेतला आहे. याविषयी चव्हाण यांनी मुख्यमंत्री उद्धव ठाकरे यांच्याशी संपर्क साधत नाराजी कळविल्याचे समजते. चव्हाण यांच्या निकटवर्तीयांनी या नाराजीबाबत दुजोरा दिलेला असला तरी काँग्रेस प्रदेशाध्यक्ष आणि महसूलमंत्री बाळासाहेब थोरात यांनी मात्र नाराजीचे हे वृत फेटाळले आहे. 'महाविकास आघाडीतील पक्षांनी एकमेकांची काळजी घेतल्यास आघाडी भक्कम होईल', असे म्हणत थोरात यांनी या वादावर पडदा टाकण्याचा प्रयत्न केला.
वरिष्ठ अधिकाऱ्यांनी सार्वजनिक बांधकाम खात्याच्या विभाजनाचा एक प्रस्ताव तयार केला असून, त्याबाबत सार्वजनिक बांधकाममंत्री अशोक चव्हाण यांना मात्र काहीच कळविण्यात आलेले नाही. त्यामुळे अशोक चव्हाण नाराज झाले असून, त्यांनी गुरुवारच्या मंत्रिमंडळ बैठकीतही याबाबत नाराजी बोलून दाखवल्याचे समजते. मंत्र्यांना न विचारता अधिकारी परस्पर प्रस्ताव तयार करीत असल्याची ही तक्रार त्यांनी थेट मुख्यमंत्री उद्धव ठाकरे यांनाच फोन करून बोलून दाखवल्याचे समजते. अशोक चव्हाण व माजी मुख्य सचिव अजय मेहता यांचे फारसे सख्य नव्हते. सार्वजनिक बांधकाम खात्यातील एका महत्त्वाच्या निर्णयावरून या दोघांमध्ये तीव्र मतभेद झाल्याची चर्चा राजकीय वर्तुळात होती. चव्हाण यांच्या खात्यातील अधिकारीही त्यांच्या मनासारखे दिले गेले नसल्याने चव्हाण यांच्या नाराजीत भर पडली असल्याचे त्यांच्या निकटवर्तीयांचे म्हणणे आहे.
'निर्णय एकमताने होईल'
काँग्रेस प्रदेशाध्यक्ष थोरात यांच्याशी संपर्क साधला असता त्यांनी, 'कोणी तरी नाराजीची बातमी पेरली असावी', असे सांगितले. 'मी अशोक चव्हाण यांना भेटलो. यामध्ये काहीही नवीन नाही. आमच्या भेटी होतच असतात. तसेच सार्वजनिक बांधकाम विभागाच्या विभाजनचा निर्णय घ्यायचाच असल्यास तो एकमताने घेतला जाईल', असेही बाळासाहेब थोरात यांनी स्पष्ट केले.