म. टा. खास प्रतिनिधी, मुंबई
गोवंडी शिवाजीनगरमध्ये खासगी शिकवणी घेणाऱ्या शिक्षिकेची विद्यार्थ्याने हत्या केल्याची घटना ताजी असतानाच रविवारी घाटकोपरमध्ये खासगी क्लासेसच्या मालकाची हत्या करण्यात आली. मयंक मंडोत (२७) असे या मालकाचे नाव असून नोकरीवरून काढल्याच्या रागातून गणेश पवार या कर्मचाऱ्यानेच हे कृत्य केले. याप्रकरणी पंतनगर पोलिस ठाण्यात हत्येचा गुन्हा दाखल करण्यात आला असून आरोपी गणेशला अटक करण्यात आली आहे.
घाटकोपरच्या पंतनगरमधील रायगड चौकामध्ये मयंक ट्युटोरिअल्सचे मुख्य कार्यालय आहे. दिवसभराचे क्लासेस संपल्यानंतर मंडोत हे आपल्या कार्यालयात बसले होते. गणेश पवार याला काही दिवसांपूर्वी कामावरून काढून टाकण्यात आले होते. थकीत पगार घेण्यासाठी गणेश सायंकाळी सातच्या सुमारास कार्यालयात गेला. यावेळी दोघांमध्ये काही वेळ चर्चा झाल्यानंतर जोरदार बाचाबाची झाली. संतापलेल्या गणेश याने स्वतःकडे असलेल्या चॉपरने मयंकवर वार केले. मयंक यानेही जोरदार प्रतिकार केला. यामुळे गणेशही जखमी झाला. मात्र जास्त रक्त्तस्राव झाल्यामुळे मयंक बेशुद्ध पडला. आरडाओरड ऐकून आजूबाजूचे नागरिक या ठिकाणी जमा झाले. पंतनगर पोलिसही घटनास्थळी पोहोचले. मयंक आणि गणेश या दोघांनाही राजावाडी रुग्णालयात नेण्यात आले. डॉक्टरांनी मयंकला मृत घोषित केले तर जखमी गणेशवर उपचार करण्यात आले. पोलिसांनी गणेश याला अटक केली. सूत्रांनी दिलेल्या माहितीनुसार गणेश याला चोरीच्या आरोपावरून कामावरून काढण्यात आले होते. त्या संतापातून तो हत्या करण्याच्या उद्देशानेच चॉपर घेऊन गेला होता.
गोवंडी शिवाजीनगरमध्ये खासगी शिकवणी घेणाऱ्या शिक्षिकेची विद्यार्थ्याने हत्या केल्याची घटना ताजी असतानाच रविवारी घाटकोपरमध्ये खासगी क्लासेसच्या मालकाची हत्या करण्यात आली. मयंक मंडोत (२७) असे या मालकाचे नाव असून नोकरीवरून काढल्याच्या रागातून गणेश पवार या कर्मचाऱ्यानेच हे कृत्य केले. याप्रकरणी पंतनगर पोलिस ठाण्यात हत्येचा गुन्हा दाखल करण्यात आला असून आरोपी गणेशला अटक करण्यात आली आहे.
घाटकोपरच्या पंतनगरमधील रायगड चौकामध्ये मयंक ट्युटोरिअल्सचे मुख्य कार्यालय आहे. दिवसभराचे क्लासेस संपल्यानंतर मंडोत हे आपल्या कार्यालयात बसले होते. गणेश पवार याला काही दिवसांपूर्वी कामावरून काढून टाकण्यात आले होते. थकीत पगार घेण्यासाठी गणेश सायंकाळी सातच्या सुमारास कार्यालयात गेला. यावेळी दोघांमध्ये काही वेळ चर्चा झाल्यानंतर जोरदार बाचाबाची झाली. संतापलेल्या गणेश याने स्वतःकडे असलेल्या चॉपरने मयंकवर वार केले. मयंक यानेही जोरदार प्रतिकार केला. यामुळे गणेशही जखमी झाला. मात्र जास्त रक्त्तस्राव झाल्यामुळे मयंक बेशुद्ध पडला. आरडाओरड ऐकून आजूबाजूचे नागरिक या ठिकाणी जमा झाले. पंतनगर पोलिसही घटनास्थळी पोहोचले. मयंक आणि गणेश या दोघांनाही राजावाडी रुग्णालयात नेण्यात आले. डॉक्टरांनी मयंकला मृत घोषित केले तर जखमी गणेशवर उपचार करण्यात आले. पोलिसांनी गणेश याला अटक केली. सूत्रांनी दिलेल्या माहितीनुसार गणेश याला चोरीच्या आरोपावरून कामावरून काढण्यात आले होते. त्या संतापातून तो हत्या करण्याच्या उद्देशानेच चॉपर घेऊन गेला होता.