म. टा. प्रतिनिधी, मुंबई
विधानसभा निवडणुकीच्या मतदानासाठी मतदान केल्यानंतर मतदारांच्या डाव्या हाताच्या तर्जनीवर शाई लावण्यासाठी महाराष्ट्रात 'म्हैसूर शाईच्या' तीन लाख बाटल्यांचे वाटप जिल्हाधिकाऱ्यांना करण्यात येत आहे, अशी माहिती राज्य निवडणूक अधिकाऱ्यांच्या कार्यालयातून शनिवारी मुंबईत देण्यात आली आहे.
मतदानाच्या दिवशी ही शाई बोटावर लावताच १५ सेकंदामध्ये तिचा ओलसरपणा जातो. त्यामुळे कितीही प्रयत्न केले तरी ती पुसली जात नाही. ही शाई म्हैसूर येथील 'म्हैसूर पेंटस् अॅण्ड वॉर्निश लिमिटेड कंपनी'मध्ये तयार केली जाते. ही कंपनी कर्नाटक सरकारच्या अंतर्गत कार्यरत असून केंद्रीय निवडणूक आयोगाने निवडणुकीसाठी शाईचा पुरवठा करण्याचे एकमेव कंत्राट याच कंपनीला दिले आहे. त्यामुळे या शाईला 'म्हैसूरची शाई' म्हणून ओळखले जाते.
२०१९च्या विधानसभा निवडणुकीसाठी २८८ विधानसभा मतदारसंघांत ९६ हजार ६६१ मतदान केंद्र असतील. या सर्व केंद्रावर म्हैसूर शाईच्या बाटल्या पोहोचविण्याचे काम सुरू आहे. मतदानापूर्वी मतदाराच्या डाव्या तर्जनीवर न पुसली जाणारी शाई लावली जाते. त्यानंतर त्याची स्वाक्षरी किंवा अंगठा घेतला जातो. मतदान अधिकारी मतदाराच्या डाव्या तर्जनीवर लावलेल्या शाईची तपासणी करतात. डाव्या तर्जनीची तपासणी करू न देणारी व्यक्ती मतदानासाठी अपात्र ठरु शकतो. एखाद्या मतदाराला डाव्या हाताची तर्जनी नसेल तर त्या व्यक्तीच्या डाव्या हातावरील कोणत्याही बोटाला शाई लावली जाते, अशी माहिती यावेळी देण्यात आली.
विधानसभा निवडणुकीच्या मतदानासाठी मतदान केल्यानंतर मतदारांच्या डाव्या हाताच्या तर्जनीवर शाई लावण्यासाठी महाराष्ट्रात 'म्हैसूर शाईच्या' तीन लाख बाटल्यांचे वाटप जिल्हाधिकाऱ्यांना करण्यात येत आहे, अशी माहिती राज्य निवडणूक अधिकाऱ्यांच्या कार्यालयातून शनिवारी मुंबईत देण्यात आली आहे.
मतदानाच्या दिवशी ही शाई बोटावर लावताच १५ सेकंदामध्ये तिचा ओलसरपणा जातो. त्यामुळे कितीही प्रयत्न केले तरी ती पुसली जात नाही. ही शाई म्हैसूर येथील 'म्हैसूर पेंटस् अॅण्ड वॉर्निश लिमिटेड कंपनी'मध्ये तयार केली जाते. ही कंपनी कर्नाटक सरकारच्या अंतर्गत कार्यरत असून केंद्रीय निवडणूक आयोगाने निवडणुकीसाठी शाईचा पुरवठा करण्याचे एकमेव कंत्राट याच कंपनीला दिले आहे. त्यामुळे या शाईला 'म्हैसूरची शाई' म्हणून ओळखले जाते.
२०१९च्या विधानसभा निवडणुकीसाठी २८८ विधानसभा मतदारसंघांत ९६ हजार ६६१ मतदान केंद्र असतील. या सर्व केंद्रावर म्हैसूर शाईच्या बाटल्या पोहोचविण्याचे काम सुरू आहे. मतदानापूर्वी मतदाराच्या डाव्या तर्जनीवर न पुसली जाणारी शाई लावली जाते. त्यानंतर त्याची स्वाक्षरी किंवा अंगठा घेतला जातो. मतदान अधिकारी मतदाराच्या डाव्या तर्जनीवर लावलेल्या शाईची तपासणी करतात. डाव्या तर्जनीची तपासणी करू न देणारी व्यक्ती मतदानासाठी अपात्र ठरु शकतो. एखाद्या मतदाराला डाव्या हाताची तर्जनी नसेल तर त्या व्यक्तीच्या डाव्या हातावरील कोणत्याही बोटाला शाई लावली जाते, अशी माहिती यावेळी देण्यात आली.