​ संपापासून चालक मालक समिती दूरच

म. टा. खास प्रतिनिधी, मुंबई

ओला आणि उबेर या खासगी टॅक्सी कंपन्यांवर राज्य सरकारने तातडीने बंदी घालावी, या मागणीसाठी येत्या सोमवारी आणि बुधवारी विविध रिक्षा-टॅक्सी संघटनांनी संपाची हाक दिली असली, तरी या संपाला आपला पाठिंबा नसल्याचे टॅक्सी-रिक्षा चालक मालक संयुक्त संघर्ष समितीने शुक्रवारी स्पष्ट केले. पण ओला उबेरबाबतचे धोरण न बदलल्यास गणेशोत्सवानंतर संप पुकारण्याचा इशाराही समितीने दिला आहे.

२९ आणि ३१ ऑगस्टच्या संपाला आमचा पाठिंबा नाही. परंतु राज्य सरकारने गणेशोत्सवापर्यंत ओला, उबेरविषयी निर्णय घेतला नाही, तर संघर्ष समिती संप करेल, असा इशारा संघटनेचे अॅड. उदय आंबोणकर यांनी दिला. २९ ऑगस्ट रोजी जय भगवान महासंघ आणि स्वाभिमानी टॅक्सी-रिक्षा युनियनने तर ३१ ऑगस्ट रोजी मुंबई ऑटोरिक्षा टॅक्सीमेन्स युनियनने संपाची हाक दिलेली आहे.
…
या संघटनांचा सहभाग नाही
मुंबई टॅक्सी-रिक्षा चालक-मालक सेना, शिवसंग्राम टॅक्सी-रिक्षा युनियन, महाराष्ट्र नवनिर्माण वाहतुक सेना, धर्मराज्य कामगार सेना, महाराष्ट्र राज्य राष्टीय कामगार संघ, मुंबई रिक्षामेन्स युनियन, रिपब्लिकन टॅक्सी युनियन ठाणे, टॅक्सी मेन्स युनियन, अजिंक्यतारा ग्रुप