रिक्षा अचानक पेटली, ९ जण भाजले

मटा ऑनलाइन वृत्त।मुंबई:

मुंबईतील लोकमान्य टिळक टर्मिनसजवळ गॅस गळती झाल्यानं एका रिक्षाला आग लागून एकाच कुटुंबातील ९ जण भाजल्याची घटना रात्री घडली. या ९ जणांना तातडीनं सायनच्या लोकमान्य टिळक हॉस्पिटलमध्ये दाखल करण्यात आलंय.

पेट घेतलेली ही रिक्षा काल रात्री शिवाजीनगरहून लोकमान्य टिळक टर्मिनसकडे जात होती. टर्मिनसच्या जवळ पोहोचताना या रिक्षानं अचानक पेट घेतला. या आगीमुळे भाजलेल्यांमध्ये ३ महिला आणि ५ मुलांचा समावेश आहे. या ५ मुलांपैकी दोन मुलं केवळ दोन महिन्यांची आहेत हे विशेष.



हे अपघातग्रस्त कुटुंब मुंबईहून कर्नाटकात एका समारंभासाठी जात होतं.

आसन क्षमता ३ असलेल्या या रिक्षात ९ जण बसलेच कसे, असा प्रश्नही या अपघातानंतर विचारला जात आहे.