म. टा. विशेष प्रतिनिधी, मुंबईः मुंबईत गणेशोत्सव जवळ येऊन ठेपला असताना मुंबई महापालिकेनेही त्यादृष्टीने नियोजनास सुरुवात केली आहे. यंदा करोना प्रादुर्भावाची बंधने नसल्याने गणेशोत्सव उत्साहात साजरा केला जाणार आहे. पालिकेकडून गणपती विसर्जनासाठीचे नियोजन करताना धोकादायक पुलाच्या अनुषंगाने विचार केला जातो. त्याप्रमाणे, गणपती विसर्जनासाठी पालिकेकडून मार्ग निश्चित करताना पालिकेने १३ धोकादायक पुलांची यादी जाहीर केली केली आहे. तसेच, मोठ्या प्रमाणातील गर्दी, मिरवणुकांसाठी हे पूल धोकादायक ठरू शकतात, असा स्पष्ट इशारा पालिकेने दिला आहे. त्यामुळे धोकादायक पुलांवरून गणपती विसर्जन मिरवणूक काढताना आवश्यक ती काळजी घेण्याचे आवाहन पालिकेने सार्वजनिक मंडळांना केले आहे.
मुंबईत जुन्या धोकादायक पुलांचा आढावा घेऊन त्यानुसार पालिकेच्या पूल विभागामार्फत दरवर्षी धोकादायक पुलांची यादी जाहीर केली जाते. यापूर्वी, ३ जुलै २०१८मध्ये अंधेरीतील गोखले पुलाचा भाग कोसळून दोन जण मृत्युमुखी पडले होते. त्यानंतर छत्रपती शिवाजी महाराज टर्मिनस येथील हिमालय पूल १४ मार्च २०१९ रोजी कोसळून सात जणांचा मृत्यू झाला होता. तेव्हा पालिकेने मुंबईतील सर्वच पुलांचे सर्वेक्षण करताना धोकादायक पुलांची दुरुस्तीसह पुनर्बांधणीचे काम सुरू केले.
कोणते पूल धोकादायक?
घाटकोपर रेल्वे पूल
करी रोड रेल्वे पूल
आर्थर रोड-चिंचपोकळी रेल्वे पूल ( १६ टन क्षमता)
भायखळा रेल्वे पूल ( मांडलिक पूल १६ टन क्षमता)
मरिन लाइन्स रेल्वे पूल
सँडहर्स्ट रोड रेल्वे पूल
फ्रेंच रेल्वे पूल
केनेडी रेल्वे पूल ( ग्रॅन्ट रोड - चर्नी रोडमध्ये)
फॉकलँड रेल्वे पूल ( ग्रॅन्ट रोड व मुंबई सेंट्रलदरम्यान)
बेलासिस मुंबई सेंट्रल जवळील पूल
महालक्ष्मी स्टील रेल्वे पूल
प्रभादेवी-कॅरोल रेल्वे पूल
दादर-टिळक रेल्वे पूल
मुंबईत जुन्या धोकादायक पुलांचा आढावा घेऊन त्यानुसार पालिकेच्या पूल विभागामार्फत दरवर्षी धोकादायक पुलांची यादी जाहीर केली जाते. यापूर्वी, ३ जुलै २०१८मध्ये अंधेरीतील गोखले पुलाचा भाग कोसळून दोन जण मृत्युमुखी पडले होते. त्यानंतर छत्रपती शिवाजी महाराज टर्मिनस येथील हिमालय पूल १४ मार्च २०१९ रोजी कोसळून सात जणांचा मृत्यू झाला होता. तेव्हा पालिकेने मुंबईतील सर्वच पुलांचे सर्वेक्षण करताना धोकादायक पुलांची दुरुस्तीसह पुनर्बांधणीचे काम सुरू केले.
कोणते पूल धोकादायक?
घाटकोपर रेल्वे पूल
करी रोड रेल्वे पूल
आर्थर रोड-चिंचपोकळी रेल्वे पूल ( १६ टन क्षमता)
भायखळा रेल्वे पूल ( मांडलिक पूल १६ टन क्षमता)
मरिन लाइन्स रेल्वे पूल
सँडहर्स्ट रोड रेल्वे पूल
फ्रेंच रेल्वे पूल
केनेडी रेल्वे पूल ( ग्रॅन्ट रोड - चर्नी रोडमध्ये)
फॉकलँड रेल्वे पूल ( ग्रॅन्ट रोड व मुंबई सेंट्रलदरम्यान)
बेलासिस मुंबई सेंट्रल जवळील पूल
महालक्ष्मी स्टील रेल्वे पूल
प्रभादेवी-कॅरोल रेल्वे पूल
दादर-टिळक रेल्वे पूल