मुंबई :
लसीकरण करताना डॉक्टरांच्या हलगर्जीमुळे २२ दिवसांच्या मुलीच्या शरीरात राहिलेली सुई वाडिया रुग्णालयात १९ दिवसांनी शस्त्रक्रिया करून काढण्यात आली. आस्था सुधाकर पाष्टे असे या मुलीचे नाव असून, पनवेल येथील एका खासगी नर्सिग होममध्ये तिला लस टोचण्यात आली होती.
लसीकरणानंतर आस्थाच्या उजव्या मांडीला सूज आली व सतत ताप येऊ लागला. एक्स-रे आणि अल्ट्रासाऊंड चाचण्या केल्यानंतर तिच्या पायामध्ये सुई राहिल्याचे दिसून आले. ही लसीकरणादरम्यान वापरण्यात आलेली सुई असल्याचे स्पष्ट झाल्यावर तिच्यावर उपचार करणाऱ्या डॉक्टरांनाही धक्का बसला. बाई जेरबाई वाडिया रुग्णालयातील डॉक्टरांनी शस्त्रक्रिया करून ही सुई काढून टाकली. याबाबत बालशल्यविशारद डॉ. प्रज्ञा बेंद्रे म्हणाल्या की, 'ऑस्टिओमायलायटिस या हाडांना झालेल्या संसर्गासाठी आम्ही या बाळावर उपचार करत होतो. पण सिटीस्कॅननंतर डाव्या पायाच्या हाडामध्ये सुई असल्याचे लक्षात आले. ही दोन से.मी.ची तुटलेली सुई १९ दिवस शरीरात होती. बाळाला कदाचित ती टोचत नसावी किंवा वेदना सांगता येत नसाव्यात. सी-आर्म गायडन्स पद्धतीचा वापर करून दोन तासांच्या शस्त्रक्रियेनंतर ही सुई काढण्यात आली. आता या बाळाची प्रकृती स्थिर आहे.'
लसीकरण करताना डॉक्टरांच्या हलगर्जीमुळे २२ दिवसांच्या मुलीच्या शरीरात राहिलेली सुई वाडिया रुग्णालयात १९ दिवसांनी शस्त्रक्रिया करून काढण्यात आली. आस्था सुधाकर पाष्टे असे या मुलीचे नाव असून, पनवेल येथील एका खासगी नर्सिग होममध्ये तिला लस टोचण्यात आली होती.
लसीकरणानंतर आस्थाच्या उजव्या मांडीला सूज आली व सतत ताप येऊ लागला. एक्स-रे आणि अल्ट्रासाऊंड चाचण्या केल्यानंतर तिच्या पायामध्ये सुई राहिल्याचे दिसून आले. ही लसीकरणादरम्यान वापरण्यात आलेली सुई असल्याचे स्पष्ट झाल्यावर तिच्यावर उपचार करणाऱ्या डॉक्टरांनाही धक्का बसला. बाई जेरबाई वाडिया रुग्णालयातील डॉक्टरांनी शस्त्रक्रिया करून ही सुई काढून टाकली. याबाबत बालशल्यविशारद डॉ. प्रज्ञा बेंद्रे म्हणाल्या की, 'ऑस्टिओमायलायटिस या हाडांना झालेल्या संसर्गासाठी आम्ही या बाळावर उपचार करत होतो. पण सिटीस्कॅननंतर डाव्या पायाच्या हाडामध्ये सुई असल्याचे लक्षात आले. ही दोन से.मी.ची तुटलेली सुई १९ दिवस शरीरात होती. बाळाला कदाचित ती टोचत नसावी किंवा वेदना सांगता येत नसाव्यात. सी-आर्म गायडन्स पद्धतीचा वापर करून दोन तासांच्या शस्त्रक्रियेनंतर ही सुई काढण्यात आली. आता या बाळाची प्रकृती स्थिर आहे.'