म. टा. विशेष प्रतिनिधी मुंबई: करोना रुग्णांमध्ये ताप, खोकला, घसा खवखवणे, चव कमी होणे, वास न येणे आणि अंगदुखी अशी समस्या दिसून येत होती. परंतु सौम्य लक्षणे असणाऱ्या अनेक रुग्णांमध्ये तसेच करोनातून बऱ्या झालेल्या रुग्णांना पाठदुखीची समस्या सतावत आहे. सौम्य लक्षणे आढळून येणाऱ्या रुग्णांना घरीच विलग होण्याचा सल्ला दिला जातो. घरी बसून शारीरिक हालचाल कमी झाल्यामुळे अनेकांना पाठदुखीची समस्या उद्भवली आहे.
काही दिवसांपूर्वी समीर पाटील यांना (नाव बदलले आहे) करोनाची लागण झाल्याचे निदान झाले. पाठदुखी होतीच, पण करोनातून बरे झाल्यानंतर या तरुणाला कंबरदुखीचा त्रास होऊ लागला आहे. काही रुग्णांना शस्त्रक्रियेची गरज भासते. तर काही रुग्ण औषधोपचार आणि जीवनशैलीत योग्य तो बदल केल्यास ठिक होऊ शकतात. एंडोस्कोपिक स्पाइन सर्जन डॉ. ओम पाटील म्हणाले, 'करोनाची सौम्य लक्षणे असणाऱ्या २० ते ४० वयोगटातील रुग्णांमध्ये बरे झाल्यानंतर पाठदुखीची तक्रार जाणवत आहे. याशिवाय व्यायामाचा अभाव आणि चालणे कमी झाल्यामुळे पाठीचे दुखणे वाढत आहे. कोविडमधून बरे झालेल्या बऱ्याच रुग्णांना काही आठवड्यांपर्यंत पाठीच्या दुखण्यामुळे त्रास होऊ शकतो. मात्र, गंभीर कोविड रुग्णांमध्ये अद्यापही पाठदुखीची समस्या दिसून आलेली नाही.' डॉ. ओम म्हणाले, 'करोनातून बरे झाल्यानंतर आरोग्याकडे दुर्लक्ष करू नये. नियमित संतुलित आहार घ्यावा. घरच्या घरी दररोज पहाटे १५ मिनिटे व्यायाम करावा. चालण्याचा व्यायाम करणे आरोग्यासाठी अतिशय फायदेशीर ठरू शकते. बराच वेळ एकाच ठिकाणी बसू नका. जड वस्तू उचलू नका, भरपूर पाणी प्या आणि पुरेशी विश्रांती घ्या.'
पाठदुखीवर औषधोपचार
आशीष गावंडे हे इंजिनीअर आहेत. मागील अनेक दिवसांपासून त्यांना पाठीच्या दुखण्याचा त्रास होत होता. त्यांना बसता किंवा उठताही येत नव्हते. दैनंदिन कामेही ते करू शकत नव्हते. अचानक चार दिवसांनी त्यांना ताप आला. औषधोपचारानंतरही ताप कमी होत नव्हता. करोना चाचणी केली असती ती पॉझिटिव्ह आली. लक्षणे सौम्य असल्यामुळे त्यांना पाठदुखी कमी करण्यासाठी आवश्यक औषधोपचार सुरू करण्यात आले होते.
अशी काळजी घ्या
- नियमित संतुलित आहार घ्या
- घरच्या घरी दररोज १५ मिनिटे व्यायाम करा
- चालण्याचा व्यायाम फायदेशीर
- बराच वेळ एकाच ठिकाणी बसू नका
- जड वस्तू उचलू नका
- भरपूर पाणी प्या
- पुरेशी विश्रांती घ्या
काही दिवसांपूर्वी समीर पाटील यांना (नाव बदलले आहे) करोनाची लागण झाल्याचे निदान झाले. पाठदुखी होतीच, पण करोनातून बरे झाल्यानंतर या तरुणाला कंबरदुखीचा त्रास होऊ लागला आहे. काही रुग्णांना शस्त्रक्रियेची गरज भासते. तर काही रुग्ण औषधोपचार आणि जीवनशैलीत योग्य तो बदल केल्यास ठिक होऊ शकतात. एंडोस्कोपिक स्पाइन सर्जन डॉ. ओम पाटील म्हणाले, 'करोनाची सौम्य लक्षणे असणाऱ्या २० ते ४० वयोगटातील रुग्णांमध्ये बरे झाल्यानंतर पाठदुखीची तक्रार जाणवत आहे. याशिवाय व्यायामाचा अभाव आणि चालणे कमी झाल्यामुळे पाठीचे दुखणे वाढत आहे. कोविडमधून बरे झालेल्या बऱ्याच रुग्णांना काही आठवड्यांपर्यंत पाठीच्या दुखण्यामुळे त्रास होऊ शकतो. मात्र, गंभीर कोविड रुग्णांमध्ये अद्यापही पाठदुखीची समस्या दिसून आलेली नाही.' डॉ. ओम म्हणाले, 'करोनातून बरे झाल्यानंतर आरोग्याकडे दुर्लक्ष करू नये. नियमित संतुलित आहार घ्यावा. घरच्या घरी दररोज पहाटे १५ मिनिटे व्यायाम करावा. चालण्याचा व्यायाम करणे आरोग्यासाठी अतिशय फायदेशीर ठरू शकते. बराच वेळ एकाच ठिकाणी बसू नका. जड वस्तू उचलू नका, भरपूर पाणी प्या आणि पुरेशी विश्रांती घ्या.'
पाठदुखीवर औषधोपचार
आशीष गावंडे हे इंजिनीअर आहेत. मागील अनेक दिवसांपासून त्यांना पाठीच्या दुखण्याचा त्रास होत होता. त्यांना बसता किंवा उठताही येत नव्हते. दैनंदिन कामेही ते करू शकत नव्हते. अचानक चार दिवसांनी त्यांना ताप आला. औषधोपचारानंतरही ताप कमी होत नव्हता. करोना चाचणी केली असती ती पॉझिटिव्ह आली. लक्षणे सौम्य असल्यामुळे त्यांना पाठदुखी कमी करण्यासाठी आवश्यक औषधोपचार सुरू करण्यात आले होते.
अशी काळजी घ्या
- नियमित संतुलित आहार घ्या
- घरच्या घरी दररोज १५ मिनिटे व्यायाम करा
- चालण्याचा व्यायाम फायदेशीर
- बराच वेळ एकाच ठिकाणी बसू नका
- जड वस्तू उचलू नका
- भरपूर पाणी प्या
- पुरेशी विश्रांती घ्या