अ‍ॅपशहर

परदेशी व्यंगचित्रकारांच्या नजरेतून 'बाळासाहेब'; दादरच्या स्वातंत्र्यवीर सावरकर स्मारकात भरणार प्रदर्शन

२ आणि ३ फेब्रुवारी रोजी दादरच्या स्वातंत्र्यवीर सावरकर स्मारक येथे सकाळी १० ते रात्री ८ या वेळेत हे प्रदर्शन आयोजित करण्यात आले आहे. याचे उद्घाटन उद्योगमंत्री आणि शिवसेना नेते सुभाष देसाई यांच्या हस्ते करण्यात येणार आहे.

Edited byम. टा. प्रतिनिधी | महाराष्ट्र टाइम्स 28 Jan 2023, 9:08 am
मुंबई : एक प्रभावशाली राजकीय नेते या पलीकडे व्यंगचित्रकार म्हणूनही शिवसेनाप्रमुख बाळासाहेब ठाकरे यांची महत्त्वाची ओळख आहे. त्यांची ही ओळख जागतिक पातळीवरील व्यंगचित्रकारांना करून देत, त्यांच्या नजरेतून त्यांना दिसलेले बाळासाहेब व्यंगचित्रांच्या माध्यमातून मुंबईकरांना पाहायला मिळणार आहेत. ठाकरे यांनी सुरू केलेल्या कार्टूनिस्ट कंबाइन आणि शिवप्रेरणा या संस्थांच्या माध्यमातून, २ आणि ३ फेब्रुवारी रोजी या व्यंगचित्रांच्या प्रदर्शनाचे आयोजन करण्यात येणार आहे. अमेरिका, युक्रेन, पोलंड, चीन, रुमानिया, इराक, ब्राझील या देशांमधील व्यंगचित्रकारांनी, तसेच देशभरातील विविध व्यंगचित्रकारांनी ठाकरे यांची काढलेली व्यंगचित्रे यामध्ये पाहायला मिळतील. याबरोबरच ‘अभिव्यक्ती स्वातंत्र्य आणि मी व्यंगचित्रकार’ या दोन विषयांवरही या प्रदर्शनात व्यंगचित्रे असतील.
महाराष्ट्र टाइम्स.कॉम balasaheb t
परदेशी व्यंगचित्रकारांच्या नजरेतून 'बाळासाहेब'; दादरच्या स्वातंत्र्यवीर सावरकर स्मारकात भरणार प्रदर्शन


कार्टूनिस्ट कंबाइन ही मराठी व्यंगचित्रकारांची १९८३ मध्ये स्थापन झालेली संस्था आहे. बाळासाहेब ठाकरे यांना या प्रदर्शनातून यंदा मानवंदना देण्यात येणार आहे. परदेशी व्यंगचित्रकारांना एक मोठा राजकीय नेता यापलीकडे ठाकरे यांच्या व्यक्तिमत्त्वाची ओळख नव्हती. मात्र त्यांना ती करून दिल्यानंतर त्यांच्या कुंचल्यातूनही ठाकरे यांची व्यंगचित्रे रेखाटली गेली. याच व्यंगचित्रांचे हे प्रदर्शन आहे. २ आणि ३ फेब्रुवारी रोजी दादरच्या स्वातंत्र्यवीर सावरकर स्मारक येथे सकाळी १० ते रात्री ८ या वेळेत हे प्रदर्शन आयोजित करण्यात आले आहे. याचे उद्घाटन उद्योगमंत्री आणि शिवसेना नेते सुभाष देसाई यांच्या हस्ते करण्यात येणार आहे.

ठाकरे यांच्यावर रेखाटण्यात आलेली सुमारे १०० ते १२५ व्यंगचित्रे यात असून एकूण १८० व्यंगचित्रांचे हे प्रदर्शन आहे. या दोन दिवसांच्या प्रदर्शामध्ये व्यंगचित्रांवर मार्गदर्शन करणाऱ्या चर्चासत्रांचेही आयोजन करण्यात आले आहे, अशी माहिती कार्टूनिस्ट कंबाइनचे अध्यक्ष संजय मिस्त्री यांनी दिली. या प्रदर्शनात योगेंद्र भगत, विश्वास सूर्यवंशी, धनराज गरड, अतुल पुरंदरे, किशोर शितोळे, गजानन घोंगडे आदींचा सहभाग आहे. चारुहास पंडित आणि प्रशांत कुलकर्णी यांनी या प्रदर्शनासाठी विशेष मार्गदर्शन केले आहे. या प्रदर्शनासाठी देशातील तसेच परदेशातील व्यंगचित्रकार उपस्थित राहतील, असे मिस्त्री यांनी सांगितले.

महत्वाचे लेख