म. टा. विशेष प्रतिनिधी, मुंबई
बंजारा समाजाचा एसटी प्रर्वगात समावेश करावा या व इतर मागण्यांसाठी बंजारा समाजाच्या शिष्टमंडळाने शनिवारी शिवसेना भवन येथे शिवसेना पक्षप्रमुख उद्धव ठाकरे यांची भेट घेतली.
यावेळी झालेल्या बैठकीत शिष्टमंडळाने बंजारा समाजाचा एसटी प्रवर्गात समावेश करावा बंजारा समाजास लागू केलेले नॉन क्रिमिलियर रद्द करावे, ऊसतोड भूमिहीन कामगारांना वनजमीन मिळाव्यात, तांड्याच्या जागा त्याच्या नावावर कराव्यात, बोगस प्रमाणपत्र रद्द व्हावीत या मागण्यांवर चर्चा केली. या बैठकीत शिवसेना नेते संजय राऊत, शिवसेना सचिव अनिल देसाई महसूल राज्यमंत्री संजय राठोड, हरिभाऊ राठोड यांच्यासह तेलंगणा, कर्नाटक आंध्र प्रदेश, छत्तीसगढ, उत्तर प्रदेश येथील बंजारा समाजाचे नेते व प्रतिनिधी उपस्थित होते.