म. टा. प्रतिनिधी, मुंबई
मुंबई उच्च न्यायालयाने ध्वनिप्रदूषणाचा मुद्दा लक्षात घेत डीजे व डॉल्बीवरील बंदी कायम राखली असून, सर्जन मिरवणुकीत दणदणाट करणाऱ्या डीजेचे बटन तुर्तास तरी 'ऑफ' केले आहे. यामुळे विसर्जन मिरवणुकीसाठी डीजेचे बुकिंग केलेल्या मंडळांची ऐनवेळी धांदल उडाल्याने बेंजो, ढोल-ताशा पथके, म्युझिक बँड्स तसेच पारंपरिक वाजंत्री यांच्याकडे मंडळांची धावाधाव सुरू झाली आहे. अनंत चतुर्दशी अवघ्या काही तासांवर येऊन ठेपल्याने गणपती मंडळे वाट्टेल ती किंमत मोजत आहेत. साहजिकच बेंजो, ढोल-ताशा पथके, बँड यांना यंदा 'अच्छे दिन' आले आहेत.
सध्या एक बेंजो पार्टी किमान एक तास वाजवण्यासाठी साधारण दहा ते पंधरा हजार रु. घेते. पण अचानक मंडळांकडून मागणी वाढू लागल्याने बेंजो पार्टीचे भाव ३० हजार रु.पर्यंत गेल्याचे मंडळ सांगत आहेत. तर दुसरीकडे मोठी ढोल-ताशा पथकांची याआधीच नामांकित मंडळांकडून नोंदणी झाली आहे. मोठी ढोल-ताशा पथके एका तासासाठी साधारण ४० ते ५० हजार रु. आणि छोटी ढोल-ताशा पथके वीस ते पंचवीस हजार रु. मानधन घेत असतात. परंतु मोठ्या पथकांची नोंदणी याआधीच झाल्याने आता इतर मंडळांची धाव छोट्या पथकांकडे वाढली असून, त्यांनीही आपल्या मानधनात वाढ केली आहे. याआधी अनेक मंडळे मोठ्या डीजेसाठी चाळीस ते पन्नास हजार तर छोट्या डीजेसाठी वीस ते पंचवीस हजार मोजत होते. परंतु उच्च न्यायालयाच्या निर्णयामुळे आपोआपच डीजेसोबत जनरेटर व्हॅन, लाइट्स व्हॅन असा अतिरिक्त तामजामही आता दिसेनासा होईल. तर काही मंडळे कोंबडी बाजा, ढोश ताशा पथके, लेझिक पथके यासारखे पर्यायही विसर्जन मिरवणुकीसाठी मिळवण्यासाठी धावाधाव करताना दिसत आहेत.
मुंबई उच्च न्यायालयाने ध्वनिप्रदूषणाचा मुद्दा लक्षात घेत डीजे व डॉल्बीवरील बंदी कायम राखली असून, सर्जन मिरवणुकीत दणदणाट करणाऱ्या डीजेचे बटन तुर्तास तरी 'ऑफ' केले आहे. यामुळे विसर्जन मिरवणुकीसाठी डीजेचे बुकिंग केलेल्या मंडळांची ऐनवेळी धांदल उडाल्याने बेंजो, ढोल-ताशा पथके, म्युझिक बँड्स तसेच पारंपरिक वाजंत्री यांच्याकडे मंडळांची धावाधाव सुरू झाली आहे. अनंत चतुर्दशी अवघ्या काही तासांवर येऊन ठेपल्याने गणपती मंडळे वाट्टेल ती किंमत मोजत आहेत. साहजिकच बेंजो, ढोल-ताशा पथके, बँड यांना यंदा 'अच्छे दिन' आले आहेत.
सध्या एक बेंजो पार्टी किमान एक तास वाजवण्यासाठी साधारण दहा ते पंधरा हजार रु. घेते. पण अचानक मंडळांकडून मागणी वाढू लागल्याने बेंजो पार्टीचे भाव ३० हजार रु.पर्यंत गेल्याचे मंडळ सांगत आहेत. तर दुसरीकडे मोठी ढोल-ताशा पथकांची याआधीच नामांकित मंडळांकडून नोंदणी झाली आहे. मोठी ढोल-ताशा पथके एका तासासाठी साधारण ४० ते ५० हजार रु. आणि छोटी ढोल-ताशा पथके वीस ते पंचवीस हजार रु. मानधन घेत असतात. परंतु मोठ्या पथकांची नोंदणी याआधीच झाल्याने आता इतर मंडळांची धाव छोट्या पथकांकडे वाढली असून, त्यांनीही आपल्या मानधनात वाढ केली आहे. याआधी अनेक मंडळे मोठ्या डीजेसाठी चाळीस ते पन्नास हजार तर छोट्या डीजेसाठी वीस ते पंचवीस हजार मोजत होते. परंतु उच्च न्यायालयाच्या निर्णयामुळे आपोआपच डीजेसोबत जनरेटर व्हॅन, लाइट्स व्हॅन असा अतिरिक्त तामजामही आता दिसेनासा होईल. तर काही मंडळे कोंबडी बाजा, ढोश ताशा पथके, लेझिक पथके यासारखे पर्यायही विसर्जन मिरवणुकीसाठी मिळवण्यासाठी धावाधाव करताना दिसत आहेत.