मुंबई:
दादर येथील टिळक पूलावर 'हा पूल धोकादायक आहे' अशा बॅनर लावल्यामुळे मनसे कार्यकर्ता प्रवीण नेरुरकर यांच्याविरोधात गुन्हा दाखल करण्यात आला आहे. सरकारी मालमत्तेचं विद्रुपीकरण केल्याप्रकरणी हा गुन्हा दाखल करण्यात आला आहे.
काही दिवसांपूर्वी सीएसटी स्थानकाला टाइम्स ऑफ इंडिया इमारतीशी जोडणारा हिमालय पादचारी पूल कोसळला. त्यानंतर मुंबईतील हजारो प्रवाशांची सोय करणाऱ्या पादचारी पुलांच्या परिस्थितीवर प्रश्नचिन्ह उपस्थित करण्यात आले आहे. यानंतर दादरच्या जवळपास शंभर वर्ष जुन्या ब्रिजवर मनसे कार्यकर्ते प्रविण नेरुरकर यानी एक बॅनर लावला आहे. 'सावधान! टिळक ब्रिज हा साधारण १९२३साली बांधला गेलेला आहे. सध्या मुंबईतील पुलांची परिस्थिती पाहता आपण स्वत:च्या जबाबदारीवर या पुलाचा वापर करावा.' अशी वाक्य या बॅनरवर लिहिण्यात आली आहेत. टिळक ब्रिज जवळपास १०० वर्षं जुना असला तरी तो धोकादायक आहे की नाही हे स्पष्ट झालेलं नाही. जर हा ब्रिज धोकादायक नसल्याचे स्पष्ट झाले तर नेरुरकरांविरुद्ध अफवा पसरवण्याचाही गुन्हा दाखल करण्यात येणार असल्याची माहिती पोलीस सूत्रांनी दिली आहे.
दरम्यान प्रवीण नेरुरकर यांनी मात्र या एफआयआरचा आपल्याला काही फरक पडत नसल्याचे सांगितले आहे. 'माझ्याविरोधात आणखी एक एफआयआर जरी दाखल झाला तरी काहीच फरक पडत नाही' असं त्यांनी म्हटलं आहे. तर दादरचा टिळक पूल खरोखर अत्यंत जुना असून, मनसे फक्त लोकांना सावध करण्याचा प्रयत्न करत असल्याचा खुलासा मनसे प्रवक्ते संदीप देशपांडे यांनी केला आहे.
दादर येथील टिळक पूलावर 'हा पूल धोकादायक आहे' अशा बॅनर लावल्यामुळे मनसे कार्यकर्ता प्रवीण नेरुरकर यांच्याविरोधात गुन्हा दाखल करण्यात आला आहे. सरकारी मालमत्तेचं विद्रुपीकरण केल्याप्रकरणी हा गुन्हा दाखल करण्यात आला आहे.
दरम्यान प्रवीण नेरुरकर यांनी मात्र या एफआयआरचा आपल्याला काही फरक पडत नसल्याचे सांगितले आहे. 'माझ्याविरोधात आणखी एक एफआयआर जरी दाखल झाला तरी काहीच फरक पडत नाही' असं त्यांनी म्हटलं आहे. तर दादरचा टिळक पूल खरोखर अत्यंत जुना असून, मनसे फक्त लोकांना सावध करण्याचा प्रयत्न करत असल्याचा खुलासा मनसे प्रवक्ते संदीप देशपांडे यांनी केला आहे.