म. टा. खास प्रतिनिधी, मुंबई
सोमवारी रात्री पावणे दहाच्या सुमारास सीएसएमटीहून बेलापूरकडे निघालेली लोकल चुकून वांद्रे रेल्वे स्थानकापर्यंत गेल्याने प्रवाशांमध्ये एकच गोंधळ उडाला होता. शिवाय या घोळामुळे हार्बर मार्गावरील वाहतूकही विस्कळीत झाली होती.
सीएसएमटीहून रात्री ९.४२ वाजता सुटलेली बेलापूर लोकल रात्री १०.०१च्या सुमारास वडाळा स्थानकात पोहोचली. त्यानंतर ही लोकल पुढच्या मार्गाला निघाली, मात्र चुकीच्या सिग्नलमुळे या लोकलने मार्गही चुकीचा पकडला. परिणामी ही लोकल किंग्ज सर्कल स्थानकात पोहोचली आणि त्यानंतर वांद्रे स्थानकापर्यंतही गेली. त्यानंतर हा घोळ मोटरमनच्या लक्षात आला आणि प्रवाशांची दिलगिरी व्यक्त करत ही लोकल पुन्हा वडाळा स्थानकात आणण्यात आली. तोपर्यंत आपण चुकीची लोकल पकडली का, या विचाराने सर्वच प्रवासीही भांबावले होते. या गोंधळामुळे हार्बर मार्गावरील लोकल सेवाही काही काळ विस्कळीत होऊन प्रवाशांना नाहक फटका बसला. वडाळा व शिवडी या स्थानकात अनेक लोकल अडकून पडल्या होत्या. अखेर रात्री उशिरा हळूहळू वाहतूक पूर्ववत झाली.
सोमवारी रात्री पावणे दहाच्या सुमारास सीएसएमटीहून बेलापूरकडे निघालेली लोकल चुकून वांद्रे रेल्वे स्थानकापर्यंत गेल्याने प्रवाशांमध्ये एकच गोंधळ उडाला होता. शिवाय या घोळामुळे हार्बर मार्गावरील वाहतूकही विस्कळीत झाली होती.
सीएसएमटीहून रात्री ९.४२ वाजता सुटलेली बेलापूर लोकल रात्री १०.०१च्या सुमारास वडाळा स्थानकात पोहोचली. त्यानंतर ही लोकल पुढच्या मार्गाला निघाली, मात्र चुकीच्या सिग्नलमुळे या लोकलने मार्गही चुकीचा पकडला. परिणामी ही लोकल किंग्ज सर्कल स्थानकात पोहोचली आणि त्यानंतर वांद्रे स्थानकापर्यंतही गेली. त्यानंतर हा घोळ मोटरमनच्या लक्षात आला आणि प्रवाशांची दिलगिरी व्यक्त करत ही लोकल पुन्हा वडाळा स्थानकात आणण्यात आली. तोपर्यंत आपण चुकीची लोकल पकडली का, या विचाराने सर्वच प्रवासीही भांबावले होते. या गोंधळामुळे हार्बर मार्गावरील लोकल सेवाही काही काळ विस्कळीत होऊन प्रवाशांना नाहक फटका बसला. वडाळा व शिवडी या स्थानकात अनेक लोकल अडकून पडल्या होत्या. अखेर रात्री उशिरा हळूहळू वाहतूक पूर्ववत झाली.