बेस्टचा प्रति प्रवासी खर्च रु. २१.४१
म. टा. खास प्रतिनिधी, मुंबई
बेस्टची प्रवासी संख्या घटत चालली असून, त्याचा परिणाम म्हणून उत्पन्नातही घट होत चालली आहे. २०१५-१६ या आर्थिक वर्षात बेस्टला ९०५ कोटी तीन लाख रुपयांचा तोटा सहन करावा लागला. सध्या, बेस्टचा प्रतिप्रवासी खर्च २१ रुपये ४१ पैसे इतका आहे. तर उत्पन्न १२ रुपये ८८ पैसे असल्याचे समोर आले आहे.
बेस्टच्या २०१५-१६ या वर्षामध्ये १०६ कोटी १० लाख ८४ हजार प्रवाशांनी प्रवास केला. बस वाहतुकीमधून १,३६७ कोटी ११ लाख रुपयांचे उत्पन्न बेस्टला मिळाले; तर वाहतुकीसाठी २२७२ कोटी ४१ लाख रुपये एवढा खर्च झालेला आहे. त्यातून बेस्टला ९०५ कोटी तीन लाख रुपयांचा तोटा झाला.
त्यातून बेस्टचा प्रतिप्रवासी खर्च २१ रुपये ४१ पैसे आणि त्या तुलनेत उत्पन्न फक्त १२ रुपये ८८ पैसे इतके आहे. दररोज २९ लाख सात हजार ८० प्रवासी बेस्टच्या बसेसनी प्रवास करतात. आरटीआय कार्यकर्ते अनिल गलगली यांनी बेस्टकडे बेस्ट प्रवासी संख्या, उत्पन्न, वाहतूक खर्चाची आकडेवारी माहिती अधिकाराअंतर्गत मागितली होती.
करांचा बडगा
बेस्टने २०१४-१५मध्ये विविध करापोटी १३९ कोटी ६८ लाख रुपये सरकारकडे भरले. तर २०१५-१६ दरम्यान १३६ कोटी ७५ लाख रुपये भरले. तर २०१०-१६ या सात वर्षांच्या दरम्यान ११ वेळा नगर विकास, परिवहन, महाराष्ट्र राज्य रस्ते विकास महामंडळ यांना पथकर, प्रवासी कर, पोषण अधिभार, मोटार वाहन कर व नोंदणी परवाना शुल्क आणि मूल्यवर्धित कर रद्द करण्याची विनंती केली आहे. परंतु, ती मंजूर झालेली नाही.
म. टा. खास प्रतिनिधी, मुंबई
बेस्टची प्रवासी संख्या घटत चालली असून, त्याचा परिणाम म्हणून उत्पन्नातही घट होत चालली आहे. २०१५-१६ या आर्थिक वर्षात बेस्टला ९०५ कोटी तीन लाख रुपयांचा तोटा सहन करावा लागला. सध्या, बेस्टचा प्रतिप्रवासी खर्च २१ रुपये ४१ पैसे इतका आहे. तर उत्पन्न १२ रुपये ८८ पैसे असल्याचे समोर आले आहे.
बेस्टच्या २०१५-१६ या वर्षामध्ये १०६ कोटी १० लाख ८४ हजार प्रवाशांनी प्रवास केला. बस वाहतुकीमधून १,३६७ कोटी ११ लाख रुपयांचे उत्पन्न बेस्टला मिळाले; तर वाहतुकीसाठी २२७२ कोटी ४१ लाख रुपये एवढा खर्च झालेला आहे. त्यातून बेस्टला ९०५ कोटी तीन लाख रुपयांचा तोटा झाला.
त्यातून बेस्टचा प्रतिप्रवासी खर्च २१ रुपये ४१ पैसे आणि त्या तुलनेत उत्पन्न फक्त १२ रुपये ८८ पैसे इतके आहे. दररोज २९ लाख सात हजार ८० प्रवासी बेस्टच्या बसेसनी प्रवास करतात. आरटीआय कार्यकर्ते अनिल गलगली यांनी बेस्टकडे बेस्ट प्रवासी संख्या, उत्पन्न, वाहतूक खर्चाची आकडेवारी माहिती अधिकाराअंतर्गत मागितली होती.
करांचा बडगा
बेस्टने २०१४-१५मध्ये विविध करापोटी १३९ कोटी ६८ लाख रुपये सरकारकडे भरले. तर २०१५-१६ दरम्यान १३६ कोटी ७५ लाख रुपये भरले. तर २०१०-१६ या सात वर्षांच्या दरम्यान ११ वेळा नगर विकास, परिवहन, महाराष्ट्र राज्य रस्ते विकास महामंडळ यांना पथकर, प्रवासी कर, पोषण अधिभार, मोटार वाहन कर व नोंदणी परवाना शुल्क आणि मूल्यवर्धित कर रद्द करण्याची विनंती केली आहे. परंतु, ती मंजूर झालेली नाही.