कोरेगाव-भीमा: आनंद तेलतुंबडेंना हंगामी जामीन नाकारला

मुंबई: कोरेगाव-भीमा हिंसाचार आणि माओवाद्यांशी संबंध असल्याचा आरोप झालेले प्रा. आनंद तेलतुंबडे यांना मुंबईतील विशेष एनआयए कोर्टानं हंगामी जामीन नाकारला आहे. त्यांची ८ मे पर्यंत न्यायालयीन कोठडीत रवानगी करण्यात आली आहे.

सुप्रीम कोर्टानं प्रा. आनंद तेलतुंबडे यांना तुरूंग प्रशासनासमोर शरण येण्याचे आदेश दिले होते. त्यामुळं तेलतुंबडे हे १४ एप्रिल रोजी एनआयएच्या कार्यालयात हजर झाले. त्यानंतर त्यांना अटक करण्यात आली होती. तेलतुंबडे यांना विशेष एनआयए कोर्टासमोर आज हजर करण्यात आले. त्यांना ८ मे रोजीपर्यंत न्यायालयीन कोठडी सुनावण्यात आली आहे. श्वसनाचा त्रास होत असल्यानं हंगामी जामीन मिळावा, अशी विनंती तेलतुंबडे यांनी अर्जाद्वारे केली होती. मात्र, कोर्टानं त्यांची विनंती धुडकावून हंगामी जामीन नाकारला. दरम्यान, तेलतुंबडे यांना वैद्यकीय उपचार पुरवण्याबाबत कोर्टानं तुरुंग प्रशासनाकडून अहवाल मागवला आहे. उद्या त्यासंदर्भात सुनावणी होणार आहे.

तेलतुंबडे, नवलखा यांची एनआयएसमोर शरणागती

तेलतुंबडेंच्या माध्यमातून आंबेडकर कुटुंब लक्ष्य