मुंबई: तुमच्या घरी 'वॉर अॅण्ड पीस' कादंबरी का आहे? याचे स्पष्टीकरण देण्याचे निर्देश मुंबई हायकोर्टाने नक्षली संबंधावरून अटकेत असलेले आरोपी वर्नन गोन्साल्विस यांना दिले. एल्गार परिषद-नक्षली संबंधावरुन वर्नोन यांना वर्षभरापूर्वी अटक करण्यात आली होती. गोन्जाल्विस यांच्या जामीन अर्जावर बुधवारी सुनावणी करताना कोर्टाने हे निर्देश दिले. प्रसिद्ध रशियन लेखक लिओ टॉल्सटाय यांची 'वॉर अॅण्ड पीस' ही कादंबरी आहे.
पुणे पोलिसांनी वर्षभरापूर्वी वर्नन गोन्साल्विस यांच्या घरावर पोलिसांनी छापा मारला होता. त्यावेळी काही साहित्य जप्त करण्यात आले होते. यामध्ये सरकारविरोधात असणारे आक्षेपार्ह साहित्य आढळले असल्याचा दावा पोलिसांनी जामीन अर्जाला विरोध करताना केला. गोन्जाल्विस यांच्या घरातून 'वॉर अॅण्ड पीस', मार्किस्ट अर्काइव्ह, 'अंडरस्टॅंडिंग माओइस्ट' सह 'राज्य दमनविरोधी', 'जय भीम कॉम्रेड' या डॉक्युमेंटरीची सीडी जप्त करण्यात आली असल्याचे पोलिसांनी कोर्टाला सांगितले. त्यावर न्या. कोतवाल यांनी म्हटले की, राज्य दमनविरोधी या नावातूनच ही सीडी राज्यसत्तेच्याविरोधातील असल्याचे जाणवते. तर, 'वॉर अॅण्ड पीस' ही दुसऱ्या देशातील युद्धाबाबत आहे. तुमच्या (आरोपी) घरी ही कादंबरी आणि सीडी का आहे, असा प्रश्न उपस्थित करत यावर स्पष्टीकरण देण्याचे निर्देश देण्यात आले.
काही कादंबरी, सीडी बाळगल्यामुळे वर्नन गोन्साल्विस दहशतवादी अथवा माओवादी संघटनेचा कार्यकर्ता आहे, असा त्याचा अर्थ होत नसल्याचा युक्तिवाद गोन्जाल्विसचे वकील मिहीर देसाई यांनी कोर्टासमोर मांडला. मात्र, कोर्टाने आरोपींनी अधिक स्पष्टीकरण देण्याची गरज असल्याचे सांगत पुणे पोलिसांनीदेखील सीडी आणि पुस्तकं आरोपीविरोधातील ठोस पुरावा कसा आहे, हे कोर्टासमोर मांडण्याचे निर्देश दिले आहेत.
पुणे पोलिसांनी वर्षभरापूर्वी वर्नन गोन्साल्विस यांच्या घरावर पोलिसांनी छापा मारला होता. त्यावेळी काही साहित्य जप्त करण्यात आले होते. यामध्ये सरकारविरोधात असणारे आक्षेपार्ह साहित्य आढळले असल्याचा दावा पोलिसांनी जामीन अर्जाला विरोध करताना केला. गोन्जाल्विस यांच्या घरातून 'वॉर अॅण्ड पीस', मार्किस्ट अर्काइव्ह, 'अंडरस्टॅंडिंग माओइस्ट' सह 'राज्य दमनविरोधी', 'जय भीम कॉम्रेड' या डॉक्युमेंटरीची सीडी जप्त करण्यात आली असल्याचे पोलिसांनी कोर्टाला सांगितले. त्यावर न्या. कोतवाल यांनी म्हटले की, राज्य दमनविरोधी या नावातूनच ही सीडी राज्यसत्तेच्याविरोधातील असल्याचे जाणवते. तर, 'वॉर अॅण्ड पीस' ही दुसऱ्या देशातील युद्धाबाबत आहे. तुमच्या (आरोपी) घरी ही कादंबरी आणि सीडी का आहे, असा प्रश्न उपस्थित करत यावर स्पष्टीकरण देण्याचे निर्देश देण्यात आले.
काही कादंबरी, सीडी बाळगल्यामुळे वर्नन गोन्साल्विस दहशतवादी अथवा माओवादी संघटनेचा कार्यकर्ता आहे, असा त्याचा अर्थ होत नसल्याचा युक्तिवाद गोन्जाल्विसचे वकील मिहीर देसाई यांनी कोर्टासमोर मांडला. मात्र, कोर्टाने आरोपींनी अधिक स्पष्टीकरण देण्याची गरज असल्याचे सांगत पुणे पोलिसांनीदेखील सीडी आणि पुस्तकं आरोपीविरोधातील ठोस पुरावा कसा आहे, हे कोर्टासमोर मांडण्याचे निर्देश दिले आहेत.