मुंबई
राज्य मंत्रिमंडळ विस्तारातून डावलल्याने नाराज असलेले भाजपचे ज्येष्ठ नेते आणि माजी मंत्री एकनाथ खडसेंनी भाजप सरकारला घरचा आहेर दिला. प्रश्नोत्तराच्या तासात खडसेंनी प्रश्नांची सरबत्ती केल्याने त्यांची नाराजी उघड झाली. सौरपंप आणि कुपोषणाच्या मुद्द्यावर खडसेंनी मंत्र्यांनाच झापले.
विधानसभेचं कामकाज सुरू होताच एकनाथ खडसेंनी आधी सौरपंपांच्या विषयावरून नंतर आदिवासी भागातील कुपोषणाच्या मुद्द्यावर मंत्र्यांनाच लक्ष्य केलं. कुपोषणाचे सर्वात जास्त बळी युती सरकारच्या काळात गेले, असा आरोप खडसेंनी केला.
राज्य मंत्रिमंडळाचा रविवारी विस्तार झाला. या विस्तारात एकनाथ खडसेंचा पुन्हा मंत्रिमंडळात समावेश होईल, अशी चर्चा होती. पण खडसेंचा समावेश झाला नाही. खडसे गेल्या तीन वर्षापासून मंत्रिपदापासून दूर आहेत. भोसरीतील जमीन खेरदी प्रकरणी खडसेंनी ४ जून २०१६मध्ये महसूल मंत्रीपदाचा राजीनामा दिला होता.
राज्य मंत्रिमंडळ विस्तारातून डावलल्याने नाराज असलेले भाजपचे ज्येष्ठ नेते आणि माजी मंत्री एकनाथ खडसेंनी भाजप सरकारला घरचा आहेर दिला. प्रश्नोत्तराच्या तासात खडसेंनी प्रश्नांची सरबत्ती केल्याने त्यांची नाराजी उघड झाली. सौरपंप आणि कुपोषणाच्या मुद्द्यावर खडसेंनी मंत्र्यांनाच झापले.
विधानसभेचं कामकाज सुरू होताच एकनाथ खडसेंनी आधी सौरपंपांच्या विषयावरून नंतर आदिवासी भागातील कुपोषणाच्या मुद्द्यावर मंत्र्यांनाच लक्ष्य केलं. कुपोषणाचे सर्वात जास्त बळी युती सरकारच्या काळात गेले, असा आरोप खडसेंनी केला.
राज्य मंत्रिमंडळाचा रविवारी विस्तार झाला. या विस्तारात एकनाथ खडसेंचा पुन्हा मंत्रिमंडळात समावेश होईल, अशी चर्चा होती. पण खडसेंचा समावेश झाला नाही. खडसे गेल्या तीन वर्षापासून मंत्रिपदापासून दूर आहेत. भोसरीतील जमीन खेरदी प्रकरणी खडसेंनी ४ जून २०१६मध्ये महसूल मंत्रीपदाचा राजीनामा दिला होता.