nilesh rane: माजी खासदार निलेश राणे यांना करोना; सेल्फ क्वारंटाइन

मुंबईः राज्यात करोना संसर्गाचा प्रादुर्भाव वाढत असताना आता लोकप्रतिनिधींनाही करोनाची लागण होत असल्याचं समोर येत आहे. माजी खासदार आणि भाजप नेते निलेश राणे यांनाही करोनानं गाठलं आहे. निलेश राणे यांनीच ट्विट करून याबाबत माहिती दिली आहे.

'करोनाची प्राथमिक लक्षणे दिसल्यानं मी करोनाची चाचणी करून घेतली. त्यानंतर माझा कोविड-१९चा अहवाल पॉझिटिव्ह आला आहे. माझी तब्येत उत्तम असून डॉक्टरांच्या सल्ल्यानं मी स्वतःला सेल्फ क्वारंटाइन करुन घेतलं आहे.' असं ट्विट त्यांनी केलं आहे. तसंच, 'गेल्या काही दिवसांत माझ्या संपर्कात आलेल्या सर्वांनी करोनाची चाचणी करून घ्यावी,' असं आवाहन त्यांनी केलं आहे.

रत्नागिरीत पावसाचे थैमान; समुद्रात मच्छीमारांची बोट बुडाली


करोनाची साथ आणि त्यानंतरच्या लॉकडाऊनच्या काळात लोकप्रतिनिधी विविध कामानिमित्त मतदारसंघात वा जनतेमध्ये फिरत आहेत. बैठका व अन्य जबाबदाऱ्यांमुळं त्यांचा अधिकारी व पोलिसांशी संपर्क येत आहे. त्यामुळंच लोकप्रतिनिधांना करोनाची लागण होण्याचे प्रमाण वाढले आहे.दरम्यान, काही दिवसांपूर्वीच भाजप नेते किरीट सोमय्या आणि आमदार सुजितसिंह यांनाही करोनाची लागण झाल्याचं समोर आलं होतं.

सरकार पडणार म्हणणारे अंजान अॅस्ट्रॉलॉजर्स; राष्ट्रवादीच्या बड्या नेत्याची टीका