पुन्हा नवा ट्विस्ट, 'शिंदे' सरकारमध्ये फडणवीसांनी उपमुख्यमंत्री व्हावं, JP नड्डांचे निर्देश

नवी दिल्ली : एकनाथ शिंदे हे महाराष्ट्राचे नवे मुख्यमंत्री असतील, अशी घोषणा करुन देवेंद्र फडणवीस यांनी राज्याच्या राजकारणात खळबळ उडवून दिली. तर मी स्वत: मंत्रिमंडळात सहभागी होणार नाही, असं सांगत पुन्हा एक बॉम्ब टाकला. या घोषणेला २ तासही पूर्ण होत नाहीत तोपर्यंतच राज्याच्या राजकारणा नवा ट्विस्ट आला आहे. देवेंद्र फडणवीस यांचं मंत्रिमंडळात असणं फार महत्त्वाचं आहे. त्यासाठी त्यांनी उपमुख्यमंत्री व्हावं, असे निर्देश भाजपाध्यक्ष जे पी नड्डा यांनी दिले आहेत.

भाजपने एका दगडात अनेक पक्षी मारले; शिंदेंकडे मुख्यमंत्रिपद देण्यामागील ४ कारणे
फडणवीस उपमुख्यमंत्री व्हा, जे पी नड्डांचे निर्देश

आमचे नेते देवेंद्र फडणवीस यांनी आज शिवसेना नेते एकनाथ शिंदे हे महाराष्ट्राचे मुख्यमंत्री होतील अशी घोषणा केली. त्यासोबतच त्यांनी मोठं मन दाखवत ते व्यक्तिगत रित्या मंत्रिमंडळात नसतील आणि बाहेरुन पाठिंबा देतील असं जाहीर केलं. भाजपचा पूर्ण पाठिंबा एकनाथ शिंदेंना असेल. हे आमच्या पक्षाचे नेते आणि कार्यकर्त्याचं चरित्र दर्शवते. आम्ही कुठल्याही पदाच्या लालसेसाठी नाही, आम्ही विचारांसोबत आहोत.

Eknath Shinde Net Worth: एकनाथ शिंदेंकडे आहे इतक्या कोटींची संपत्ती; वाचा महाराष्ट्राच्या नव्या मुख्यमंत्र्यांवर...
"महाराष्ट्राच्या जनतेचा विकास व्हावा, या गोष्टीला लक्षात ठेवून फडणवीसांनी हा निर्णय घेतला. भाजपच्या केंद्रीय नेतृत्वाने हे निश्चित केलं आहे, देवेंद्र फडणवीसांनी सरकारमध्ये राहावं आणि पदभार सांभाळावा. त्यासाठी आम्ही फडणवीसांना वैयक्तिकही विनंती केली आहे आणि केंद्राने याचे निर्देश घेतले आहे की देवेंद्र फडणवीसांनी उपमुख्यमंत्रिपदाची जबाबदारी सांभाळावी आणि महाराष्ट्राच्या जनतेच्या आकांक्षा पूर्ण करण्यासाठी पूर्ण जोर लावावा. महाराष्ट्राला एक विकसित राज्य म्हणून उभं करण्यात आपलं योगदान देतील"


फडणवीस DCM होणार, अमित शहा यांचं ट्विट

भाजपा अध्यक्ष जेपी नड्डा यांच्या सांगण्यावरून, देवेंद्र फडणवीस यांनी मोठ्या मनाने आणि महाराष्ट्राच्या राज्याच्या आणि जनतेच्या हितासाठी सरकारमध्ये सामील होण्याचा निर्णय घेतला आहे. हा निर्णय त्यांच्या महाराष्ट्राप्रती असलेल्या खऱ्या निष्ठेचे आणि सेवेचे द्योतक आहे. त्याबद्दल मी त्यांचे मनःपूर्वक अभिनंदन करतो, असं ट्विट अमित शाह यांनी केलं आहे.